Tjémbi 81:1-16
Biniigana inyu ñéga kôa; nsik ba nkôt lôñni gitit.* Hiémbi hi Asaf.+
81 Leña diléla inyu Nyambe, ngui+ yés.
Leña yaga diléla inyu Nyambe nu Yakôb.
2 Kôda nsik, yoña ki hingoma,kôda loñge nsik ni hiluñ, lôñni bikôkôda bi manganda.
3 Hema hioñ i sôñ mondo,*+i ngéda sôñ i nyon libôñ, inyu hilo hiés hi ngand.+
4 Inyule hala a yé mbén inyu Israel,litéak li Nyambe nu Yakôb.+
5 A bi téé jo le li ba mbigda inyu Yôsep,+i ngéda a* bi ke i jôs loñ Égiptô.+
Me bi nok kiñ* i me nyi bé; i bé kal le:
6 “Me bi héya mbegee i nyét i tuu+ yé;me yoñ mbegee* i moo mé.
7 I ngéda bikuu bi bi kwél we, u bi sébél, me sôñ we;+me timbhene we nyoo i ond i nsôô mbambat.+
Me bi noode we i malép ma Mériba.*+ (Selah)
8 A litén jem, emble, ndi m’a béhe we.
Éé a Israel, ibale u bak to le u emble me,+
9 ki nkén nyambe a bak bé le a ba i weeni,ki u bak bé to le u ôôp i bisu bi nyambe numpe.+
10 Me Yéhôva, men me yé Nyambe woñ,nu a bi nyodna we i Égiptô.+
Nahal nyo woñ, ndi m’a yônôs wo ni bijek.+
11 Ndi litén jem li bi emble bé kiñ yem;Israel a bi gwés bé suhus nyemede isi yem.+
12 Jon me bi nwas bo le ba noñok minledek nwap mi miñem;ba bi boñ kiki ba ngwés.*+
13 Ibale litén jem li bak to le li emble me,+ibale Israel a bak to le a kil mu manjel mem!+
14 Ki me mpala suhus baoo bap;ki me njôs* bakolba+ bap.
15 I bôt ba ñoo Yéhôva ba ga lôbhe nye,yak kogse* yap i ga nom i boga ni boga.
16 Ndi a ga jés we* ni blé i i nlôôha ilam,*+a nuus ki we ni wéi u u mpémél i liaa.”+
Ndoñi
^ Béñge Ndoñi bibuk.
^ Tole “matél ma sôñ.”
^ Hala wee, Nyambe.
^ Tole “hilémb.”
^ Ni hop Lôk Héber, “sel.”
^ Hala a nkobla le “Jomol.”
^ Ni hop Lôk Héber, “ba bi kil mu maéba map.”
^ Ni hop Lôk Héber, “ki me nhiel woo wem ikolba.”
^ Ni hop Lôk Héber, “ngéda.” Tole “lisuk.”
^ Ni hop Lôk Héber, “nye,” hala wee, litén li Nyambe.
^ Ni hop Lôk Héber, “ni mahoñ ma blé.”
