Tjémbi 62:1-12
Biniigana inyu ñéga kôa; likôdôk li Yédutun. Hiémbi hi David.
62 Hodo, me mbem Nyambe ikété nwee,tohi yem i nlôl i nyeni.+
2 Ñ, a yé liaa jem ni tohi yem, a yé bañga yem lisolbene;*+kekikel m’a piñgla bé, le me beha ’isi.+
3 N’a jôs mut inyu nol nye letee ni ngéda mbe?+
Bébobasôna ni nla nol mut kiki lipénd li li sédi, ni kiki libap li ngok li li yé bebee ni kwo.*
4 Ba nôgla inyu héya nye tel yé ikeñi* le ba kwés nye,bitembee gwon bi nlémél bo.
Ba nsayap ni manyo map, ndi ba tiihege mukété miñem nwap.+
5 Ñ, me mbem Nyambe ikété nwee,+inyule botñem yem i nlôl i nyeni.+
6 Ñ, a yé liaa jem ni tohi yem, a yé bañga yem lisolbene;m’a piñgla bé kekikel.+
7 Tohi yem ni lipém jem bi nlôl yak Nyambe.
Nyambe wem nyen a yé liaa jem li ngui, ni lisolbene jem.+
8 A bôt ba litén, ni bôdôl nye ñem hiki ngéda.
Yiblana nye miñem minan.+
Nyambe a yé lisolbene jés.+ (Selah)
9 Bon ba bôt ba yé ndik nhébék,bon ba bôt ba binam ba yé ndik bitembee.+
I ngéda ba nhek bobasôna i kilô, ba nhoi iloo nhébék.+
10 Ni bot bañ ñem le ni malôga nyen ni ga ba gwañ,ni téñ bañ to miñem minan i wip inyu bana nkus.
Ibale lingwañ linan li mbôl, ni ha bañ miñem minan mu.+
11 Nyambe a bi pot ngélé yada, me nok nye a mpot ngélé iba le:
lipémba li nlôl yak Nyambe.+
12 A Yéhôva, we ki nyen u ñunda loñge ñem,*+inyule u ntimbhe hiki mut inoñnaga ni maboñok+ mé.
Ndoñi
^ Tole “lisolbene jem li li nyôgi.”
^ I nla ki ba, “hiki wada nan, wengoñle a yé lipénd li li sédi, libap li ngok li li yé bebee ni kwo.”
^ Tole “lipém jé.”
^ Ni hop Lôk Héber, “u ntéñbe i unda gwéha.”
