Tjémbi 58:1-11
-
Nyambe nu a nkéés isi a yé
-
Masoohe inyu bat le ba kogse bibéba bi bôt (6-8)
-
Biniigana inyu ñéga kôa; kingéda hiémbi hi hi gwé ño le “U tjé bañ.” Miktam* i David.
58 A bôt bana, lelaa ni nyip manyo i ngéda ni nlama pot mam ma téé sép?+
A bé bon ba bôt, baa ni yé le ni kéés mut i nya i téé sép?+
2 Ngo miñem minan mi ntinde ndik bé i boñ mam ma téé bé sép,+ni ngwélél ki moo manan inyu jo bisañ mu loñ+ yosôna.
3 Bibéba bi bôt bi mboñ mam mabe* ibôdôl i ligwéak,*ba yé ndok, ba podok bitembee ibôdôl i ngéda ba bi gwéé.
4 Mbôñ yap i yé kiki mbôñ i nyoo;+ba yé ndok kiki nsiñ nyoo u u nyip maôô.
5 I nyoo ini i ga nok bé kiñ i bôt ba makañ,*to ba ngwélél limbe likeñge inyu lôbhe yo.
6 Éé a Nyambe, bôk masoñ map!
Éé a Yéhôva, bôk mañg mi balôm ba mbondo njéé* bana!
7 Ba yila to jam kiki malép ma nsa i ngéda ma mal kuli.
Nyambe a nimbil mpihlôñgô wé, a kwés ki bo ’isi ni makoñ mé.
8 Ba yila kiki lilôi li li nyimbi i ngéda li nke,ba yila kiki man nsok jém, nu a’ tehe bé hiañgaa.
9 Ni nkoda tjé di biloo, ndi ilole dibee dinan di nôgda hié hi nlôl mu tjé,Nyambe a ga boñ le mbuk mbebi a kena hikaha hi hi yé yômi, a kena yak hikaha hi hi nloñ.+
10 I mut a téé sép a ga kon maséé inyule a ntehe mapuna ma nkwél bibéba bi bôt;+a ga jôwa makôô mé ikété matjél ma bibéba bi bôt.+
11 Ha nyen bôt ba ga kal le: “Hodo, bôt ba téé sép ba gwé bom.+
Ibabé pééna, Nyambe a yé nu a nkéés ’isi.”+
Ndoñi
^ Béñge Ndoñi bibuk.
^ Tole “ibôdôl i libum.”
^ Tole “ba nyoñ njel ibe.”
^ Tole “babobe nyoo.”
^ Tole “bon ba mbondo njéé ba ba gwé mayéé.”
