Cobak cening tebak, Kerajaan apa ento?​— Tusing lén, tuah Kerajaan Tuhan, Kerajaan ané lakar ngubah guminé dadi pirdaus. Apaké cening dot nawang unduk Kerajaanné ento?​—⁠

Sabilang kerajaan ngelah raja. Lan rajané ento mamréntah anaké makejang ané ada di wilayah kakuasaanné. Apaké cening nawang nyén Raja uli Kerajaan Tuhan?​— Rajané, Yesus Kristus. Ia idup di suargan. Tusing buin makelo ia lakar dadi raja buat makejang anak ané ada di guminé! Menurut cening apaké iraga ajak onyang lakar idup bagia yén Yesus suba mamréntah di guminé?​—

Iraga lakar seken-seken bagia! Di Pirdaus, tusing buin ada anak magerengan utawi maperang. Ajak makejang lakar saling sayangin. Tusing ada ané gelem utawi mati. Ané buta buin kedat, anak bongol buin ningeh, ané lumpuh bisa malaib lan kecag-kecog. Makejang lakar liu ngelah dedaaran. Beburonné tusing ada ané rengas, makejang boh. Anaké ané suba mati buin lakar idup. Kéto masih anak luh lan muani ané suba kaplajahin di bukuné ené cara, Ribka, Rahab, Daud, lan Elia masih lakar buin idupanga! Apaké cening dot matemu ajak ipun?​—

 Yehuwa sayang tekén cening lan dot apang cening idup bagia. Yén cening nyak terus malajahin unduk Yehuwa lan taat tekén Ida, cening lakar idup saterusné di pirdaus ané luung! Apaké cening dot idup di pirdaus?​—⁠