6 oktyabr 2018-ci il tarixində Gözətçi Qülləsi, Müqəddəs Kitab və Traktatlar Cəmiyyətinin (Pensilvaniya) illik görüşündə iki yeni nəşrin buraxıldığı elan edildi. Bu nəşrlər Hizqiyalın peyğəmbərliyinə əsaslanan «Pak ibadət dirçəlir!» adlı kitab və Yehovanın Şahidlərinə oxuma, təlimvermə bacarıqlarını inkişaf etdirməyə kömək etmək üçün nəzərdə tutulan «Özünü oxumağa və təlim verməyə həsr et» adlı broşürdür.

İngilis dilində «Pak ibadət» kitabı və bir neçə dildə «Təlim» broşürü jw.org saytında və «JW Library» tətbiqetməsində artıq mövcuddur. Müəyyən müddətdən sonra «Pak ibadət» kitabı başqa dillərdə də nəşr ediləcək.

İllik görüşdə həmçinin elan edildi ki, Rəhbərlik Şurası bizim internet saytlarımızın və tətbiqetmələrimizin yenidən işlənmiş versiyasını təsdiq edib. Jw.org saytına JW televiziyasının və «Gözətçi Qülləsinin ONLAYN KİTABXANASI»nın materialları və funksiyaları daxil edilərək yenidən işlənəcək. Bundan əlavə, «JW Library» tətbiqetməsinə «Gözətçi Qülləsinin kitabxanası»nın materialları və funksiyaları, eləcə də hal-hazırda yalnız jw.org saytında mövcud olan materiallar da daxil ediləcək. Yeni internet saytının və yeni tətbiqetmənin ümumi görünüşü bir olacaq və istifadəsi daha rahat olacaq. Məsələn, yenilənmiş internet saytın və tətbiqetmənin istifadəsi çətin olmasın deyə əsas elementlər sadələşdiriləcək. Bunun sayəsində istifadəçilər ruhani qidanı daha sürətlə tapa biləcəklər. Bu böyük layihə üzərindəki planlaşdırma və dizayn işləri artıq başlayıb.