Zəbur 116:1—19
116 Yehovanı sevirəm,Çünki eşidir* səsimi, eşidir yalvarışımı.+
2 Qulağını mənə tərəf əyir.+
Nə qədər ki varam, Onu səslərəm.
3 Ölüm ipləri mənə dolanmışdı,Məzar məni ağuşuna almışdı*,+Dərd-bəla məni üstələmişdi.+
4 Amma mən Yehovanın adını çağırdım:+
«Aman, Yehova, qurtar canımı!»
5 Yehova şəfqətlidir, ədalətlidir,+Allahımız mərhəmətlidir.+
6 Yehova naşı adamı hifz edir.+
Rəzil olmuşdum, O, məni qurtardı.
7 Qoy könlüm yenə rahat olsun,Çünki Yehova mənə yaxşılıq etdi.
8 Sən canımı ölümdən,Gözümü yaş tökməkdən, ayağımı büdrəməkdən qurtardın.+
9 Mən Yehovanın önündə, işıqlı dünyada* gəzəcəyəm.
10 İman etdiyim üçün danışdım,+Hərçənd əzablar içində idim.
11 Təlaşa düşəndə dedim:
«Bütün insanlar yalançıdır».+
12 Mənə etdiyi yaxşılıqların əvəzindəYehovaya nə verə bilərəm?
13 Nicat piyaləsini götürərəm,Yehovanın adını çağıraram.
14 Yehovaya dediyim nəzirləri yerinə yetirərəm,Bütün xalqının önündə.+
15 Sadiq bəndələrinin ölümüYehova üçün bahadır.+
16 Amandır, ey Yehova,Mən ki Sənin qulunam,Qulunam, kənizinin oğluyam.
Sən məni buxovlardan azad etdin.+
17 Sənə şükranlardan qurban gətirərəm,+Yehovanın adını çağıraram.
18 Yehovaya dediyim nəzirləri yerinə yetirərəm,+Bütün xalqının önündə,+
19 Yehovanın evinin həyətində,+Sənin mərkəzində, ey Yerusəlim.
Yaha alqış edin!+
Haşiyələr
^ Digər variant: mən sevirəm, çünki Yehova eşidir.
^ Hərfən: şeolun bəlası məni tapmışdı. Lüğətdə «Məzar» sözünə bax.
^ Hərfən: dirilər ölkəsində.
