Əşiya 48:1—22
48 Dinlə, ey Yaqub evi,Ey özünü İsrailin adı ilə adlandıran,+Ey Yəhuda sularından çıxan*,Ey Yehovanın adına and içən,+İsrailin Allahını çağıran,Lakin bunu həqiqətə uyğun, salehliklə etməyən.+
2 Onlar deyirlər ki, müqəddəs şəhərdəndirlər,+Adı ordular Allahı Yehova olanİsrailin Allahına üz tuturlar.+
3 «Keçmişdə olanları Mən lap əzəldən demişdim,Bu şeylər Mənim ağzımdan çıxmışdı,Onları Mən əyan etmişdim.+
Sonra qəfil hərəkətə keçdim, onlar gerçəkləşdi.+
4 Bilirdim, siz çox inadkarsınız,Boynunuzun əzələləri* dəmirdən, alnınız misdəndir,+
5 Ona görə sizə lap əvvəldən demişdim,Bu şeylər baş verməmişdən sizə bildirdim ki,Sonra deməyəsiniz, “bunu mənim bütüm eləyib,Oyma bütümün, tökmə bütümün hökmü ilə olub”.
6 Siz bütün bunları eşidib gördünüz.
Məgər bunları bəyan etməli deyilsiniz?+
İndi isə Mən sizə yeni şeyləri,Gizli saxlanılan, bilmədiyiniz şeyləri əyan edirəm.+
7 Bunlar indi gerçəkləşir, bu cür şeylər qədimdə olmayıb,İndiyədək bunlar barədə eşitməmisiniz.
Odur ki, deyə bilməzsiniz “əşi, mən bunları bilirdim”.
8 Xeyr, eşitməmisiniz,+ bilmirsiniz,Ta keçmişdən qulaqlarınız tıxanmışdır.
Sizin necə xəyanətkar olduğunuzu bilirəm,+Ta doğulandan adınız asidir.+
9 Adım naminə qəzəbimi saxlayacağam,+Şanım naminə səbir göstəribSizi məhv etməyəcəyəm.+
10 Sizi gümüş kimi olmasa da, saflaşdırdım.+
Sizi əzab sobasında sınadım*.+
11 Öz xatirimə, Öz xatirimə hərəkətə keçəcəyəm,+Adımın ləkələnməsinə yol vermərəm.+
Şanımı heç kəsə vermərəm*.
12 Ey Yaqub, ey çağırdığım İsrail, Məni dinlə.
Mən həmişəkiyəm.+ İlk Mənəm, son da Mənəm.+
13 Yerin təməlini qoyan Mənim əlim olub,+Göyləri sağ əlim yayıb.+
Onları çağıran kimi hamısı hazır durur.
14 Hamınız toplaşıb qulaq asın.
Bunlardan hansı biri bu şeyləri xəbər verib?
Yehova ona mehr saldı.+
O, Babilə istədiyini edəcək,+Onun qolu kəldanilərin üzərinə enəcək.+
15 Mən demişəm, onu Mən çağırmışam,+Onu Mən gətirmişəm, onun yolu uğurlu olacaq.+
16 Yaxın gəlin, görün nə deyirəm.
Mən heç vaxt xəlvətdə danışmamışam.+
Bu şeylər başlayandan Mən orada idim».
Məni Külli-İxtiyar Yehova və Onun ruhu göndərdi.
17 Sənin Qurtarıcın, İsrailin Müqəddəsi Yehova belə deyir:+
«Mən sənin Allahın Yehovayam,Mən sənin xeyrinə səni öyrədirəm,+Səni getməli olduğun yolla aparıram.+
18 Kaş əmrlərimə diqqət yetirəydin!+
Onda əmin-amanlığın çay kimi,+Salehliyin dəniz dalğaları kimi olardı.+
19 Nəslin qum qədər,Övladların qum dənələri qədər olardı.+
Adları heç vaxt önümdən silinib yox olmazdı».
20 Babildən çıxın!+
Kəldanilərdən qaçın!
Sevinc sədaları ilə bəyan edin, car çəkin!+
Dünyanın nəhayətlərinə çatdırın,+Deyin: «Yehova qulu Yaqubu azad etdi!»+
21 Onları biyabanla aparanda onlar susamadılar.+
Onlar üçün qayadan su axıtdı,Qayanı yarıb gur su çıxartdı».+
22 Yehova deyir: «Şər adamlar sülh görməyəcək».+
Haşiyələr
^ Digər variant: ey Yəhudadan törəyən.
^ Yaxud vətərləri.
^ Digər variant: seçdim.
^ Yaxud şanımı başqası ilə bölüşmərəm.
