Əşiya 28:1—29
28 Vay halına, ey Əfraim+ əyyaşlarının təkəbbür tacı*,Ey şərab düşkünlərinin barlı dərəsinin başında olan,Onun füsunkar gözəlliyinin solan çiçəyi!
2 Budur, Yehova güclü-qüvvətli bir nəfəri göndərəcək.
O, gurultuyla yağan dolu, dağıdıcı qasırğa kimi,Güclü tufan kimi,Onu zərblə yerə vuracaq.
3 Əfraim əyyaşlarının təkəbbür taclarıTapdaq altda qalacaq,+
4 Onun füsunkar gözəlliyinin solan çiçəyi də,Barlı dərənin başında olan çiçəyi,Yay gəlməmiş yetişən yelənciri kimi olacaq,Onu görən dərhal dərib yeyir.
5 O gün ordular Allahı Yehova xalqından sağ qalanlar üçün calal tacı, gözəllik çələngi olacaq.+
6 O, hakim kürsüsündə oturan üçün ədalət ruhu, hücumu darvaza ağzında dəf edənlər üçün güc mənbəyi olacaq.+
7 Bunlar da şərabın təsirindən yolunu azır,İçki onları səndələdir.
Kahin də, peyğəmbər də içkidən yolunu azır,Şərab onların başını dumanlandırır,Onlar içkidən səndələyirlər.
Aldıqları vəhylər onları azdırır,Mühakimələrində səbatsızdırlar.+
8 Süfrələri iyrənc qusuntu içindədir,Bir təmiz yer qalmayıb.
9 Bu adam kimi öyrədir?
Xəbəri kimə anladır?
Təzəcə süddən kəsilmiş,Döşdən ayrılmış uşağa?
10 «Əmr üstünə əmr, əmr üstünə əmr,Ölçü ipi+ üstünə ölçü ipi, ölçü ipi üstünə ölçü ipi,Bir az buradan, bir az oradan».
11 O, bu adamlarla kəkələyən adamlar vasitəsilə, yad dildə danışacaq.+
12 O, bir dəfə onlara demişdi: «Bura dincəlmə yeridir. Qoy yorğunlar gəlib dincəlsin, bura təravət məkanıdır». Amma onlar eşitmək istəmədi.+
13 Yehova onlara belə deyəcək:
«Əmr üstünə əmr, əmr üstünə əmr,Ölçü ipi+ üstünə ölçü ipi, ölçü ipi üstünə ölçü ipi,Bir az buradan, bir az oradan».
Belə ki, onlar yeriyəndəBüdrəyib arxası üstə yıxılsınlar,Əzilsinlər, tələyə düşsünlər, ələ keçsinlər.+
14 İndi Yehovanın sözünü eşidin, ey lovğalar,Ey bu xalqın Yerusəlimdəki rəhbərləri,
15 Siz deyirsiniz:
«Ölümlə əhd bağladıq,+Məzarla* saziş bağladıq*.
Daşqın suları aşıb-daşandaBizə çata bilməyəcək,Çünki yalanı özümüzə sığınacaq etmişik,Yalanın arxasında gizlənmişik».+
16 Buna görə Külli-İxtiyar Yehova belə deyir:
«Mən Sionda təməl kimi sınanmış daş+ qoyuram,Möhkəm təməlin qiymətli guşə daşını.+
Ona iman gətirən təlaşa düşməyəcək.+
17 Mən ədaləti ölçü ipi+,Salehliyi taraz edəcəyəm.+
Yalanlar sığınacağını dolu dağıdacaq,Pənah yerini sular basacaq.
18 Ölümlə bağladığınız əhd ləğv ediləcək,Məzarla* bağladığın saziş qüvvədə qalmayacaq.+
Daşqın suları daşıb gələndəSizi basıb əzəcək.
19 Hər dəfə gələndəSizi süpürüb aparacaq.+
Hər səhər gələcək,Gündüz gələcək, gecə gələcək.
Yalnız vahimə onlara eşitdiklərini anladacaq*».
20 Yataq uzanmaq üçün qısa,Yorğan bürünmək üçün dardır.
21 Yehova Farisim dağındakı kimi qalxacaq,Gibyon yanındakı dərədə olduğu kimi coşacaq ki,+Öz əməlini, xariqəli əməlini,Öz işini, qeyri-adi işini həyata keçirsin.+
22 Siz lağ etməyin,+Yoxsa buxovlarınız sıxılacaq.
Çünki Külli-İxtiyar, ordular Allahı Yehovadan eşitdim ki,Bütün məmləkətə* məhv hökmü çıxarılıb.+
23 Qulaq verin, səsimi dinləyin,Diqqətli olun, dediyimi eşidin.
24 Məgər səpin üçün şumlayan bütün günü şumlayır?
Məgər durmadan torpağı əzib malalayır?+
25 Torpağı hamarlayandan sonraQara zirə, cirə səpmir?
Buğdanı, darını, arpanı — hərəsini öz yerində əkmir?
Tirələrə pərinc+ əkmir?
26 Beləcə, Allahı onu düzgün yolla tərbiyə edir,Onu öyrədir.+
27 Qara zirə taxıldöyənlə+,Cirə vəllə döyülmür.
Bəli, qara zirə dəyənəklə,Cirə çubuqla döyülür.
28 Heç çörəklik taxılı əzib xırdalayırlar?
Yox, onu fasiləsiz döymürlər.+
Atlara qoşulmuş taxıldöyənlə üstündən keçsələr də,Onu əzib xırdalamırlar.+
29 Bu da ordular Allahı Yehovadandır,Onun amalı gözəldir,Hikməti böyükdür.+
Haşiyələr
^ Görünür, burada paytaxt Səməriyyə nəzərdə tutulur.
^ Digər variant: Məzarla vəhy hasil etdik.
^ Digər variant: onlar dərk edəndə dəhşətə gələcəklər.
^ Yaxud bütün dünyaya.
