Hissə 3
Misir qurtuluşundan İsrailin ilk padşahınadək
Musa israilliləri Misirdən Sina dağına gətirir. Orada Allah xalqına Öz qanunlarını verir. Sonra Musa Kənan torpağını nəzərdən keçirmək üçün 12 kəşfiyyatçı göndərir. Onlardan 10 nəfəri o diyar haqqında pis məlumat gətirir. Bu məlumatdan sonra xalq Misirə qayıtmaq istəyir. İsraillilər imansız olduqları üçün Allah onları cəzalandırır. Onlar 40 il səhrada dolaşmalı olurlar.
Yehova xalqını Kənan torpağına aparmaq üçün Yeşuanı başçı təyin edir. Torpağı ələ keçirmək üçün Yehova xalqına möcüzələr vasitəsilə kömək edir. Məsələn, İordan çayının suları dayanır, Yerixo şəhərinin divarları uçur, bütün günü günəş batmır. İsraillilər altı ildən sonra torpağı kənanlılardan alırlar.
İsraili Yeşuadan başlayaraq 356 il ərzində hakimlər idarə etmişdi. Biz onlardan bir çoxları — Baraq, Gideon, İftah, Şimşon və Şamuel haqqında oxuyacağıq. Bu hissədə həmçinin bir çox qadınlar — Raxav, Devora, Yael, Rut, Naomi və Delila haqqında da öyrənəcəyik. Ümumilikdə, ÜÇÜNCÜ HİSSƏ 396 ili əhatə edir.
BU BÖLMƏDƏ
HEKAYƏ 38
On iki kəşfiyyatçı
On kəşfiyyatçı bir şey deyir, digər ikisi isə başqa şey. İsraillilər kimə inanır?
HEKAYƏ 44
Raxav kəşfiyyatçıları gizlədir
Raxav iki kəşfiyyatçıya necə kömək etdi və onlardan nə istədi?
HEKAYƏ 48
Ağıllı giveonlular
Onlar israillilərlə əhd bağlamaq üçün Yeşuaya kələk gəlirlər, ancaq israillilər vədlərinə sadiq qalırlar.
HEKAYƏ 50
İki cəsur qadın
İsrail ordusuna döyüş vaxtı Baraq rəhbərlik etsə də, nəyə görə Yael izzətlənir?
HEKAYƏ 55
Allaha xidmət edən balaca oğlan
Allah baş kahin Eliyə hökm xəbərini çatdırmaq üçün gənc Şamueldən istifadə edir.
