ҺАРАРЕ, Зимбабве. Ијулун 31-и ҹүмә ҝүнү Јеһованын Шаһидләринин «Мәсиһдән өрнәк алын!» адлы реҝионал топлантысы башлады. 12 һәфтәдән чох давам едәҹәк бу үчҝүнлүк топлантылар октјабр ајынын орталарында битәҹәк.

Јеһованын Шаһидләринин Зимбабведәки нүмајәндәси Ҹон Һунгука дејир: «Буилки реҝионал топлантыдан чох шеј ҝөзләјирик. Бунун ән әсас сәбәбләриндән бири 2014-ҹү илдә Һараредә кечирилмиш бејнәлхалг топлантынын бөјүк сәс-сәда јаратмасыдыр. Бу топланты Зимбабведәки Јеһованын Шаһидләри үчүн тарихи һадисә иди». Зимбабвенин мәшһур гәзетләриндән бири олан «Нјусдеј» гәзетиндә бу бејнәлхалг топлантынын «индијә гәдәр орада кечирилмиш ән бөјүк дини топланты» олдуғу вә 2014-ҹү илдә Јеһованын Шаһидләринин узун мүддәт ҝүндәмдән дүшмәдији дејилирди.

2014-ҹү илдә кечирилән топлантынын сонунҹу ҝүнүндә Һараредәки Милли Идман Стадионунда 82 000-дән чох адам иштирак етди. Јеһованын Шаһидләринин Зимбабведәки филиалынын нүмајәндәси Ҹон Ҹубер реҝионал топлантыдан сонра кечирилән бир репортажда бу сөзләри деди: «Бу топлантыја Бразилија, Алманија, Америка Бирләшмиш Штатлар, Кенија вә Замбијадан 3500 нәфәр ҝәлмишди».

Топлантынын өлкәјә тәсири елә бөјүк олуб ки, Зимбабвенин туризм назири Уолтер Мземби Јеһованын Шаһидләринин Нју-Јоркдакы баш идарәсинә ҝәлди. Сәфәрин мәгсәди бејнәлхалг топлантыны мәһз Зимбабведә кечирдикләри үчүн онлара миннәтдарлыг билдирмәк иди. Јеһованын Шаһидләринә вердији ексклүзив видеомүсаһибәдә ҹәнаб Уолтер Мземби деди: «Зимбабве халгы чох истәјәрди ки,Јеһованын Шаһидләринин бејнәлхалг топлантысы Һараредә һәр һәфтә кечирилсин... Ҹәнаб президентимиз дә сизә миннәтдарлығыны билдирир вә истәјир ки, халгымызын иманыны артырмаг үчүн јенә өлкәмизә ҝәләсиниз».

Бу ил Зимбабведәки Јеһованын Шаһидләри 39 реҝионал топланты кечирәҹәк. «Мәсиһдән өрнәк алын!» адлы бу топлантылар Зимбабве Бејнәлхалг Сәрҝи Мәркәзи дә дахил олмагла, бир нечә јердә баш тутаҹаг. Програм там вә ја гисмән чин (Мандарин), читонга (Зимбабве), инҝилис, ндебеле (Зимбабве), суаһили, шона вә Зимбабве жест дилиндә кечириләҹәк. Зимбабведәки бу топлантынын јерини вә вахтыны Јеһованын Шаһидләринин рәсми сајты олан jw.org-дан тапа биләрсиниз.

Әлагә үчүн:

Бејнәлхалг мәлумат хидмәти: Ҹ. Р. Браун, тел.: +1 718 560 5000

Зимбабве: Ҹон Һунгука тел.: +263 4 2910591