Мүгәддәс Јазыларын ҹавабы

Аллаһын Падшаһлығы инсан һөкумәтләринин һамысыны әвәз едәҹәк вә бүтүн Јер күрәсини идарә едәҹәк (Даниел 2:44, Инҹил, Вәһј 16:14). О заман Аллаһын Падшаһлығы ашағыдакылары һәјата кечирәҹәк:

• өз егоистлији илә һамымыза зәрәр вуран писләри мәһв едәҹәк. «Пис адамлар бу торпагдан атылаҹаг» (Сүлејманын мәсәлләри 2:22);

• мүһарибәләрин һамысына сон гојаҹаг. «[Аллаһ] јерин уҹгарларынадәк дөјүшләри дајандырар» (Зәбур, Мәзмур 46:9);

• бүтүн јер үзүндә фираванлығы вә тәһлүкәсизлији бәргәрар едәҹәк. «Һәр кәс өз мејнәсинин, әнҹир ағаҹынын алтында әјләшәҹәк, онлары горхудан олмајаҹаг» (Пејғәмбәрләрин китабы, Микеја 4:4);

• јер үзүнү Ҹәннәтә чевирәҹәк. «Сәһра вә гуру торпаг севинәҹәк, чөл шадланаҹаг, нәрҝиз кими чичәкләнәҹәк» (Пејғәмбәрләрин китабы, Јешаја 35:1);

• һәр бир инсаны фајдалы вә зөвг верән ишлә тәмин едәҹәк. Аллаһ дејир: «Сечилмишләрим әлләринин ишләриндән зөвг алаҹаг. Онлар бош јерә әлләшмәјәҹәк» (Пејғәмбәрләрин китабы, Јешаја 65:21—23);

• хәстәликләрә сон гојаҹаг. «Орада јашајан: хәстәјәм демәјәҹәк» (Китабы Мукаддес, Јешаја 33:24).

• гоҹалығы арадан галдыраҹаг. «Бәдәни ушаг бәдәни кими тәзә олар, јенијетмәлик дөврүнә гајыдар» (Әјјуб 33:25);

• өлүләри јенидән һәјата гајтараҹаг. «Гәбирләрдә оланларын һамысы онун [Иса Мәсиһин] сәсини ешидәҹәк» вә дириләҹәк (Инҹил, Јәһја 5:28, 29).