Үмумијјәтлә инсанлар сүлһпәрвәр, дүрүст вә хејирхаһ олмаг истәјирләр. Бәс онда нәјә ҝөрә биз тез-тез зоракылығын, һагсызлығын вә гәддарлығын шаһиди олуруг? Түкүрпәдиҹи хәбәрләр белә адиләшиб. Бәлкә, инсанлары пис әмәлләрә сүрүкләјән бири вар? (1 Јәһја 5:19 ајәсини охујун.)

Аллаһ инсанлары пислијә мејилли јарадыб? Хејр. Јеһова Аллаһ инсанлары Өз бәнзәриндә јарадыб, онлара Өз мәһәббәтиндән пај вериб (Јарадылыш 1:27; Әјјуб 34:10). Бунунла јанашы, Аллаһ инсанлара сечим азадлығы вериб. Улу валидејнләримиз Адәмлә Һәвва сәһв давранараг Аллаһын үлви кејфијјәтләрини тәзаһүр етдирмәк истәмәдиләр вә ҝүнаһлы олдулар. Бизә ҝүнаһа мејил онлардан кечиб. (Ганунун тәкрары 32:4, 5 ајәләрини охујун.)

Аллаһ истәјир ки, биз пислијә олан мејлимизлә мүбаризә апараг (Мәсәлләр 27:11). Буна ҝөрә дә Аллаһ бизә пис әмәлләрдән ҝен ҝәзмәјин вә әсил хошбәхтлији тапмағын јолуну өјрәдир. Амма һал-һазырда биз нә гәдәр истәсәк дә, Аллаһ гәдәр мәһәббәтли ола билмәрик. (Зәбур 32:8 ајәсини охујун.)

Инди һәр тәрәфдә пислик баш алыб ҝедир. Аллаһ буна мүәјјән вахт әрзиндә јол вериб ки, һамы онун аҹы нәтиҹәләрини ҝөрсүн (2 Бутрус 3:7—9). Лакин тезликлә јер үзү Аллаһа итаәт едән хошбәхт инсанларла долаҹаг. (Зәбур 37:9—11 ајәләрини охујун.)