ЈОМАРА баҹы вә гардашлары Марсело илә Ивер Гватемалада балаҹа бир кәнддә јашајыр. Јомара Јеһованын Шаһидләри илә Мүгәддәс Китабы арашдырмаға башлады, даһа сонра гардашлары да она гошулду. Амма бир проблем вар иди. Онларын үчүнүн дә ҝөрмә габилијјәти там мәһдуддур вә Брајл әлифбасы илә охумағы билмирдиләр. Буна ҝөрә дә онлара Мүгәддәс Китаб дәрси кечән гардаш абзаслары вә ајәләри онлар үчүн охујурду.

Јығынҹаг ҝөрүшләринә ҝетмәк дә онлар үчүн чәтин иди. Ән јахын ибадәт еви Јомараҝилдән 40 дәгигә узаглыгда иди. Она ҝөрә дә онлар тәкбашына ора ҝедә билмирдиләр. Амма јығынҹагдакы баҹы-гардашлар бүтүн ҝөрүшләрдә иштирак едә билмәләри үчүн онлары апарыб-ҝәтирирди. Јомара вә гардашлары һәфтәичи ҝөрүшләрдә шаҝирд тапшырыглары алмаға башлајанда исә баҹы-гардашлар онлара тапшырыгларыны әзбәрләмәјә көмәк едирди.

2019-ҹу илин мај ајында Јомараҝилин кәндиндә јығынҹаг ҝөрүшләри кечирилмәјә башлады. О вахт бир өнҹүл әр-арвад онларын кәндинә көчдү. Бу әр-арвад Јомараҝилә Брајл әлифбасыны өјрәтмәји үрәкдән истәјирди, бахмајараг ки, өзләри дә бу әлифбаны билмирди. Буна ҝөрә дә онлар китабханаја ҝедирди вә башгаларына Брајл әлифбасыны неҹә өјрәдә биләҹәкләринә даир китаблар охујурдулар.

Јомараҝил бир нечә ајын ичиндә Брајл әлифбасыны јахшыҹа өјрәндиләр. Бу онларын Јеһова илә мүнасибәтини даһа да мөһкәмләндирди. Инди онларын үчү дә өнҹүл кими хидмәт едир. Марсело һәм дә јығынҹаг хидмәтчисидир. Онлар бүтүн һәфтә боју руһани ишләрлә мәшғул олурлар. Бу баҹы-гардашларын шөвгү һамыја сирајәт едир.

Јомара, Марсело вә Ивер јығынҹағын онлара ҝөстәрдији мәһәббәтә, дәстәјә ҝөрә чох миннәтдардыр. Јомара дејир: «Елә илк танышлығымыздан Јеһованын Шаһидләри бизә әсл мәсиһи мәһәббәти ҝөстәрдиләр». Марсело әлавә едир: «Бизим јығынҹагда чох јахшы достларымыз вар. Биз бир-биринә мәһәббәт телләри илә бағлы олан бејнәлхалг гардашлығын бир һиссәсијик». Јомара вә гардашлары јер үзүнүн Ҹәннәтә чевриләҹәјини өз ҝөзләри илә ҝөрәҹәкләри вахты һәсрәтлә ҝөзләјирләр (Зәб. 37:10, 11; Әшј. 35:5).