2 Тимутијә 3:1—17
3 Буну бил ки, ахырзаманда+ сон дәрәҹә чәтин бир вахт ҝәләҹәк.
2 Чүнки инсанлар худбин, пулпәрәст, ловға, өзүндән разы, күфр данышан*, валидејнләринә итаәт етмәјән, нанкор, вәфасыз,
3 доғмаларыны севмәјән, барышмаз, бөһтанчы, өзүнә һаким олмајан, залым, јахшылығын дүшмәни,
4 хаин, тәрс, тәкәббүрлү олаҹаглар, Аллаһдан чох ејш-ишрәти севәҹәкләр.
5 Онлар үздән өзләрини мөмин ҝөстәрәҹәк, әслиндә исә Аллаһын јолу илә ҝетмәјәҹәкләр.+ Беләләриндән узаг ҝәз.
6 Белә адамларын арасындан һијлә илә евләрә ҝириб зәиф ирадәли, ҝүнаһа гәрг олмуш, нәфсинин гулу олан,
7 даима өјрәнән, амма һәгигәти һеч ҹүр дәрк едә билмәјән гадынлары әсир алан адамлар чыхырлар.
8 Јаннис вә Јамбрис Мусаја гаршы чыхдыглары кими, бу адамлар да һәгигәтә гаршы чыхырлар. Онларын әгли тамамилә позғунлашыб. Онлар иман јолунда јеримәјә јарарлы дејилләр.
9 Онлар бундан артыг ирәлиләјә билмәјәҹәкләр, чүнки о ики нәфәрин ағылсызлығы әввәл-ахыр үзә чыхдығы кими, бунларын да ағылсызлығы һамыја бәлли олаҹаг.+
10 Сән исә мәним тәлимими, һәјат јолуму,+ амалымы, иманымы, сәбрими, мәһәббәтими, дөзүмүмү изләјирсән.
11 Антакјада+, Конјада+ вә Листрада+ неҹә тәгибләрлә гаршылашдығымы, әзаб чәкдијими билирсән. Бәли, мән бу әзаблара гатлашдым вә Аға* бүтүн бунлардан мәни гуртарды.+
12 Әслиндә, Мәсиһ Исанын шаҝирди кими мөмин һәјат сүрмәк истәјәнләрин һамысы тәгиб олунаҹаг.+
13 Пис адамлар вә фырылдагчылар исә алдадыб алданараг ҝет-ҝедә даһа бетәр ишләр ҝөрәҹәкләр.+
14 Сән исә өјрәндијин вә доғрулуғуна әмин олдуғун шејләрә бағлы гал,+ ахы сән бунлары кимләрдән өјрәндијини јахшы билирсән.
15 Бундан башга, сәнә һикмәт вермәјә гадир олан Мүгәддәс Јазылары көрпәликдән+ билирсән.+ Бу һикмәт Мәсиһ Исаја ҝәтирдијин иман васитәсилә сәни хиласа чатдыраҹаг.+
16 Мүгәддәс Јазылардакы һәр кәлмә Аллаһдандыр*+ вә тәлим,+ тәнбеһ, ислаһ үчүн, һәм дә салеһлијә ујғун тәрбијә үчүн фајдалыдыр.+
17 Бунун сајәсиндә Аллаһ бәндәси там сәриштәли, һәр ҹүр јахшы ишә тамамилә һазыр ола биләр.
