ДӘРС 57

Ҹидди ҝүнаһ ишләјәркән нә етмәли?

PLAY

Биз Јеһованы севирик. Чалышырыг һәр һәрәкәтимизә диггәт јетирәк ки, Ону инҹитмәјәк. Бунунла белә, бәзән сәһвләрә јол веририк. Амма бәзи сәһвләр даһа ҹиддидир (1 Коринфлиләрә 6:9, 10). Әҝәр ҹидди ҝүнаһа јол вермисинизсә, унутмајын ки, Јеһова сизи һәлә дә севир. О бағышламаға вә сизә көмәк етмәјә һазырдыр.

1. Јеһованын бизи бағышламасы үчүн нә етмәлијик?

Јеһованы севән инсан ҹидди ҝүнаһа јол вердијини баша дүшәндә дәрин кәдәр һисси кечирир. Амма о, Јеһованын кечмишдә халгына вердији вәддән тәсәлли тапыр: «Ҝүнаһларыныз ал-гырмызы олса да, онлары гар кими ағаппаг едәҹәјәм» (Әшија 1:18). Әҝәр сәмими-гәлбдән төвбә етсәк, Јеһова бизи бағышлајаҹаг. Бәс төвбә етмәк нә демәкдир? Бу о демәкдир ки, биз һәрәкәтимизә ҝөрә пешман олуруг вә пис әмәлимиздән әл чәкиб, Јеһовадан әфв диләјирик. Сонра исә әлимиздән ҝәләни едирик ки, бу ҝүнаһа сәбәб олан дүшүнҹәни вә вәрдишләри дәјишәк, һәмчинин Јеһованын гајда-ганунларына ујғун јашајаг. (Әшија 55:6, 7 ајәләрини охујун.)

2. Јеһова ағсаггаллар васитәсилә бизә неҹә көмәк едир?

Әҝәр ҹидди ҝүнаһ етмишиксә, Јеһова бизә јығынҹағын ағсаггалларыны чағырмағы бујурур. (Јагуб 5:14, 15 ајәләрини охујун.) Ағсаггаллар Јеһованы вә Онун хидмәтчиләрини севирләр. Онлар тәлим алыблар вә билирләр ки, бизә Јеһова илә мүнасибәтләримизи бәрпа етмәјә неҹә көмәк етмәк олар (Галатијалылара 6:1).

Ҹидди ҝүнаһ ишләјәндә ағсаггаллар бизә неҹә көмәк едир? Ики вә ја үч ағсаггал Мүгәддәс Китабдакы ајәләр васитәсилә һәрәкәтимизин нәјә ҝөрә дүзҝүн олмадығыны изаһ едир, һәмчинин јенидән ҝүнаһ етмәмәк үчүн бизә мәсләһәт верир. Әҝәр ҹидди ҝүнаһ ишләјән инсан төвбә етмирсә, ағсаггаллар јығынҹағы пис тәсирдән горумаг үчүн гәрар верир ки, һәмин инсан артыг Јеһованын Шаһиди кими гала билмәз.

Д Ә Р И Н Л И Ј Ә В А Р Ы Н

Ҝөрүн Јеһова ҹидди ҝүнаһ етмиш инсанлара неҹә көмәк едир вә буну нәјә ҝөрә гијмәтләндирмәлијик.

3. Ҝүнаһларынызы етираф един вә шәфа тапын

Етдијимиз һәр ҝүнаһ Јеһоваја гаршы едилмиш ҝүнаһдыр. Буна ҝөрә дә ҝүнаһымызы Она етираф етмәлијик. Зәбур 32:1—5 ајәләрини охујун вә нөвбәти суалы мүзакирә един:

Нәјә ҝөрә ҝүнаһымызы ҝизләтмәјә чалышмамалыјыг, әксинә, ону Јеһоваја етираф етмәлијик?

Ҝүнаһымызы Јеһоваја етираф едәндән сонра ағсаггаллардан да көмәк истәмәлијик. Бу бизә раһатлыг ҝәтирәҹәк. ВИДЕОЈА бахын вә нөвбәти суалы мүзакирә един:

ВИДЕО: «Јеһова севдији кәси тәрбијә едәр» (3:01)

Ағсаггаллар Канон гардаша Јеһоваја ҝери дөнмәјә неҹә көмәк етди?

Ағсаггалларла ачыг вә дүрүст шәкилдә данышмаг лазымдыр. Онлар бизә көмәк етмәк үчүн тәјин олунуб. Јагуб 5:16 ајәсини охујун вә нөвбәти суалы мүзакирә един:

Нәјә ҝөрә дүрүст олсаг, бизә көмәк етмәк ағсаггаллара даһа асан олаҹаг?

Ҝүнаһынызы етираф един, ағсаггалларла дүрүст олун вә Јеһованын көмәјини гәбул един

4. Јеһова ҝүнаһкарлара мәрһәмәт ҝөстәрир

Әҝәр ҹидди ҝүнаһ ишләмиш инсан Јеһованын гојдуғу гајдалара ујғун јашамаг истәмирсә, о, артыг Јеһованын Шаһиди ола билмәз. Һәмин инсан јығынҹагдан кәнар едилир. Биз онунла отуруб-дурмуруг. 1 Коринфлиләрә 5:6, 11 ајәләрини охујун. Сонра нөвбәти суалы мүзакирә един:

Маја бүтүн хәмири аҹытдығы кими, төвбә етмәјән ҝүнаһкарла отуруб-дурмаг да јығынҹаға неҹә тәсир едәр?

Ағсаггаллар Јеһованын ҝүнаһкарлара ҝөстәрдији мәрһәмәти өрнәк ҝөтүрәрәк артыг Јеһованын Шаһиди олмајан кәсләрә көмәк әли узадыр. Онларын чоху сонрадан јығынҹаға гајыдыр. Алдыглары ҹәза онлара әзаб версә дә, бу, сәһвләрини баша дүшмәјә көмәк едир (Зәбур 141:5).

Јеһованын ҝүнаһкарлара мүнасибәти Онун мәрһәмәтини, әдаләтини вә мәһәббәтини неҹә ҝөстәрир?

5. Јеһова төвбә едәни бағышлајыр

Иса Мәсиһ бир нүмунә әсасында ҝөстәрмишди ки, инсан төвбә едәндә Јеһова һансы һиссләри кечирир. Лука 15:1—7 ајәләрини охујун вә нөвбәти суалы мүзакирә един: