Munasir Diosan bendicionanakap katoqasmawa
¿Guerranaka nuwasiñanaka jan walinak chhaqtjjañap munasmati?
¿Usunakasa tʼaqesiñanakasa jiwañas tukusjjaspa uk munasmati?
¿Jan llakisisa kusisita jakasiñ munasmati?
¿Kawkjantï terremotonakasa jachʼa thayanakasa jan ukajj yaqha ukhamanakas jan paski ukan jakasiñ munasmati?
Aka oraqe Luriri wali munasiri Diosasajja, ‘jaqenakajj wiñayaw sumankañan kusisita jakasipjjani’ sasaw arsuwayi. Ukajj cheqapuniw phoqasini.
Akjjar jutki uka yatichäwinakanwa aka jisktʼanakan qhanañchäwip jikjjatäta:
¿Taqe kun Lurir Diosajj cheqapunit munaspachïstu?
¿Diosan Arupajj kunsa yatichistu?
¿Diosajj kuna promesanaktï jaqenakatak arsuwayki uka toqet kamsapjjänsa profetanakapajja?
¿Jichha tiempon kusisita jakasiñatakisa Diosan bendicionanakap jutïrin katoqañatakis kunsa lurañasa?
Taqe kun Luriri Diosajj cheqapunit munaspachïstu uk yatjjatañäni.
