NAYRÏR JANAN PʼEQEÑCHÄWIPA | ¿KHITINAKAS JEHOVÁ DIOSAN TESTIGONAKAPAJJA?
¿Kunarus Jehová Diosan Testigonakapajj creyipjje?
‘Taqe Qellqatajj Diosan amuytʼayatawa, askirakiw yatichañataki’ sasaw Testigonakajj creyipjjta (2 Timoteo 3:16). Ukatwa Diosar uñtʼañatak Bibliat yatjjatapjjta, ewjjanakaparjam sarnaqañatakis chʼamachasipjjaraktwa.
Bibliajj akham siwa: “Juma sapak [Jehová] Diosätam yatipjjpan, aka oraqjjar juma sapak Alajjpachankirïtam yatipjjarakpan” sasa (Salmo 83:18). * Ukatwa Jehová Dios saparuki yupaychapjjta, jaqenakarus sutipsa yatiyapjjarakta (Isaías 43:10-12).
Jesusan arkiripäpjjtwa, Jesusajj ‘Diosan Wawapawa’, * jupajj aka Oraqeruw jutäna, ukat Mesiasaruw tukuwayi sasaw creyipjjta (Juan 1:34, 41; 4:25, 26). Jesusajj jiwatat jaktasajj alajjpacharuw sarjjäna (1 Corintios 15:3, 4). Qhepatjja, Reyjamaw Diosan Reinopan uttʼayatäjje (Apocalipsis 11:15). Uka Reinojj alajjpachan uttʼayatäjjewa, uka Reinow aka Oraqe mä Paraisor tukuyani (Daniel 2:44). Bibliajj siwa: “Llampʼu chuymaninakasti oraq katoqapjjani, jilarkir sumankañampiw kusisipjjarakini” sasa (Salmo 37:11, 29).
“Biblia liytʼapki ukhajja, Diosas parlkiristam ukhamawa. Jan walinakan uñjasipki ukhajj Diosan Arupan ewjjtʼanakap thaqtapjje. [...] Jupanakatakejja, Diosan Arupajj jakaskiwa.”
Bibliajj taqeniruw jichhürunakan yanaptʼaspa sasaw Testigonakajj creyipjjta (Isaías 48:17, 18). Ukatwa Biblian ewjjtʼanakaparjam sarnaqañataki chʼamachasipjjta. Sañäni, Bibliajj janiw cuerpomsa, amuyumsa qʼañuchapjjätati sasaw ewjjtʼistu, ukat cigarrsa jan pitapkti ni droganakampis qolljasipkti (2 Corintios 7:1). Janirakiw Diosajj jan walit uñjki ukanaksa lurapkti. Janiw machjasipkti ni qʼañu luräwinakansa sarnaqapkti ni lunthatasipkaraktsa (1 Corintios 6:9-11).
^ tʼaqa 4 Qullan Arunaka Biblianjja, glosariopan “Tatitu” siski uka pʼeqeñchäwinjja, ‘Tatitojj Yavé [jan ukajj Jehová] sutimpiw uñtʼasiraki’ sasaw qhanañchi.
^ tʼaqa 5 Bibliajj ‘Diosan mä sapa Yoqapa’ sasaw Jesusar saraki. Cheqas jupa saparukiw Jehová Diosajj jan khitin yanaptʼat luräna. Ukatjja, Diosajj taqe kunanak lurkäna ukanakat Jesusajj nayrïriwa (Juan 3:18; Colosenses 1:13-15).
Akanakajj inas gustarakiristam
ESSENTIAL BIBLE TEACHINGS
¿Diosajj sutinïpachati?
Diosajj walja sutinchäwinakaniwa, ukanakajj Taqe chʼamani, Luriri, Dios ukanakawa. Ukampis Diosajj sutiniwa, uka sutejja niya 7.000 kutiw Biblian uñsti.
