60 YATICHÄWI
Diosar serviñan nayrar sartañatak chʼamachasiskakim
Aka libromp Bibliat yateqkasajja, waljanakwa Jehová Diosat yateqawaytajja. Jichhajj jukʼampiw Jehová Diosarojj munasjjpachätajja, ukatwa jakañ vidam jupar katuyasisajj bautisaspachäta. Janïratï bautisasksta ukhajja, inas bautisasiñ amtaskaraksta. Ukampis bautisasjjäta uka qhepatjja, Diosar serviñan nayrar sartañatakejj chʼamachasiskakiñamawa. Cheqas wiñayatakiw jumajj Jehová Diosar jakʼachasiskakisma. ¿Kunjamsa uk lurasma?
1. ¿Kunatsa Jehová Diosamp sum apasiñatakejj chʼamachasiskakiñama?
Jehová Diosamp sum apasiñatakejj chʼamachasiskakiñasawa. “Ukhamat janipun saranukuñasataki”, janirak Jehová Diosat jitheqtañasataki (Hebreos 2:1). ¿Jehová Diosar jan jitheqtas serviñatakejj kunas yanaptʼistani? Predicañaw jakañ vidasan nayrankañapa, kunjamanakatsa Jehová Diosar jukʼamp sirvsna uksa amuytʼañasarakiwa (Filipenses 3:16 liytʼäta). ¡Jehová Diosar serviñaw taqe kunat sipansa jukʼamp sumajja! (Salmo 84:10).
2. ¿Kun lurañatakis chʼamachasiskakiñama?
Bibliat yateqañ tukuyaskstasa, cristianjam jakañajj jichhaw jumatak qalltaski. Taqe cristianow ‘machaq jaqëñampi isthapisiñapa’ sasaw Bibliajj yatichi (Efesios 4:23, 24). Jumatï Diosan Arupat yateqaskakïta tantachäwinakarus saraskakïta ukhajja, Jehová Diosatsa jupajj kunjam chuymanisa uka toqetsa jukʼampinakwa yateqäta. Ukhamajja jupat yateqasiñatak chʼamachasim. Cambionak lurañamatï wakischini ukhajj ukarjam cambionak luraskakim, ukhamatwa Jehová Diosar kusisiyäta.
3. ¿Kunjamsa Jehová Diosajj jupar jukʼamp serviñamatak yanaptʼätam?
Bibliajj akham siwa: “Diosajja [...] jumanakar wakichañ tukuyjjaniwa. Jupaw sum saytʼayapjjätam, chʼamaniruw tukuyapjjarakïtam, suma cimientjjaruw uttʼayapjjarakïtam” sasa (1 Pedro 5:10). Taqeniw jan walinak lurañatakejj yantʼat uñjastanjja. Ukampis ukanakar saykatañatakejj kunanakatï wakiski ukanak Jehová Diosaw churistani (Salmo 139:23, 24). Ukhamarus Jehová Diosaw munañap lurañ munañamatakisa phoqañamatakis jumar chʼam churätam, uk lurañwa jupajj arsuwayi (Filipenses 2:13 liytʼäta).
JUKʼAMP YATJJATAÑÄNI
Diosar serviñan nayrar sartañamatakejj kunsa lurasma, kuna bendicionanaksa Jehová Diosajj churätam uka toqenakatwa jichhajj yatjjatañäni.
4. Jehová Dios amigomampejj parltʼasiskakim
Orasiñasa Bibliat yateqañasa Jehová Diosan amigopäñatakiw yanaptʼawaytamjja. Ukanak lurañajj ¿kunjamsa jupar jukʼamp jakʼachasiñatak yanaptʼiristamjja?
Salmo 62:8 liytʼasajja aka toqetwa parltʼapjjäta:
-
Jehová Diosamp sum apasiskakiñatakejja, jukʼamp sumwa orasiñama. ¿Kunjamsa uk lurasma?
Salmo 1:2 liytʼasajja aka toqetwa parltʼapjjäta:
-
Jehová Diosampi jukʼamp sum apasiñatakejja, ¿Biblia liytʼasajj kunsa lurañama?
Bibliat sapaki yatjjatkasin suma yatichäwinak jikjjatañatakejja, kunsa lurasma uk yatiñatakejja VIDEO uñtapjjäta. Ukatjja aka toqetwa parltʼapjjäta:
-
Videon uñtktan uka jilat kullakanakatjja, ¿kunanaksa jumajj yateqasisma?
-
¿Kuna toqenakatsa yatjjatañ munasma?
5. Diosar jukʼamp serviñatak chʼamachasim
Jehová Diosar jukʼamp serviñatakejj kunanaktï lurañ amtkäta ukajja, Diosar serviñan nayrar sartañatakiw yanaptʼätam. VIDEO uñtasajja aka toqetwa parltʼapjjäta:
-
Jehová Diosar jukʼamp serviñatakejj kunanak lurañtï amtkäna ukajja, ¿kunjamsa Cameron kullakarojj yanaptʼänjja?
Janis yaqha markar predikir sarañ puedkchiñänejja, kunanaktï lurirjamäktan uk lurañatakiw chʼamachassna. Proverbios 21:5 liytʼasajja aka toqetwa parltʼapjjäta:
-
¿Kunsa congregacionan lurañ munasma?
-
Diosan arunakap yatiykasajj ¿kunanak lurañsa amtasma?
Diosar jukʼamp serviñatakejj kunanaktï lurañ amtkta ukanak phoqañatakejja, ¿kunjamsa uka textojj yanaptʼiristam?
Akanak lurañwa amtasma
-
Diosar jukʼamp suma oracionanak luraña.
-
Biblia phoqatpach liyiña.
-
Congregacionamankir jilat kullakanakar uñtʼaña.
-
Bibliat maynir yatichañ qalltaña.
-
Precursor auxiliarata jan ukajj precursor regularat serviña.
-
Jilatästajja, siervo ministerialat serviñatak chʼamachasiña.
6. ¡Wiñayatakiw kusisit jakasisma!
Salmo 22:26 liytʼasajja aka toqetwa parltʼapjjäta:
-
¿Kunsa jichha tiempon kusisit jakasiñatakisa, wiñayatak kusisit jakasiñatakis lurasma?
¿KUNSA YATEQAWAYTAN?
Jehová Diosamp jukʼamp sum apasiñatakisa, Diosar jukʼamp serviñatakis chʼamachasiskakim. ¡Ukhamatwa wiñayatak kusisit jakasïta!
Amtañataki
-
¿Kunatsa Jehová Diosaw jupat jan jitheqtas serviñatak yanaptʼitani sasin confiyta?
-
¿Kunsa Jehová Diosampi jukʼamp sum apasiñatakejj lurasma?
-
Diosar serviñan nayrar sartaskakiñamatakejja, ¿kunatsa Diosar jukʼamp serviñatak amtañamajj wali wakiskirejja?
JUKʼAMP YATJJATAÑAMATAKI
Jehová Diosatakejj kunas jukʼamp importantejja, ¿wali musparkaña mä luräwi luraña, jan ukajj Diosat jan jitheqtas wiñayatak serviñacha?
Abrahán chachjam Jehová Diosat janipun jitheqtapjjañäniti (9:20)
Jehová Diosat jan jitheqtiri mä serviripasa awisajj janiw kusisitäjjaspati. Kunas mayamp kusisitäñatakejj maynir yanaptʼaspa uk videon uñtam.
¿Kunas Diosar kusisit chuymampi serviskakiñatak yanaptʼawayitu? (5:25)
¿Kunanaktï Diosar jukʼamp serviñatak amtawaykta ukanak phoqañatakejj kunas yanaptʼiristam?
“Fijémonos metas espirituales para glorificar al Creador” (La Atalaya, 15 de julio de 2004)
Jehová Diosar serviñan suma saytʼatäñajj kunatsa wali wakiskiri, kunas ukhamäñatakejj yanaptʼiristam uk yatjjatam.
“Nayrar sarantasipkakiñäni, Jehová Diosan jachʼa urupajj jakʼankjjewa” (Yatiyañataki mayo 15, 2009)
Akanakajj inas gustarakiristam
KUNANAKSA JUKʼAMP JISKTʼASIPJJE
¿Kunjamsa Jehová Diosan Testigonakapajj Bibliat yatichapjje?
Jehová Diosan Testigonakapajj gratisakiw Bibliat yatichapjje, kawknïr Bibliampis yateqañ munta ukajj jumatäjjewa. Jumamp chika yateqapjjañapatakejja, taqpach familiamaruw invittʼasma, amistadanakamarus invittʼarakismawa.
