¿Khitinakas Jehová Diosan munañap lurasipki?

Jehová Diosan Testigonakapajj oraqpachanwa jikjjatasipjje ukat kunayman sarnaqäwini ukat kunayman jañchinïpjjewa. ¿Kunas mayachtʼat jakasiñatak yanaptʼi? Uk yatjjatam.

¿Kunas Diosan munañapajja?

Diosajj kunas munañapajja ukwa aka Oraqpachan yatiyasiñap muni. Ukampis ¿kunas Diosan munañapajja, ukat kunjamsa jichhürunakan uka toqet yaqha jaqenakar yatichasiski?

LESSON 1

Jehová Diosan Testigonakapajja, ¿kunjam jaqenakäpjjesa?

Jehová Diosan Testigonakapatjja, ¿qawqhanirus uñtʼta? ¿Kunsa jupanakat yatta?

LESSON 2

¿Kunatsa Jehová Diosan Testigonakapa satäpjje?

Kunatsa uka suti apapjje uk kimsa toqet uñjañäni.

LESSON 3

¿Kunjamsa Biblian cheqa yatichäwinakapajj qhanstayasïna?

Jehová Diosan Testigonakapajja, kunsa Bibliajj yatichi uk sum amuyapjje, ¿kunatsa ukham sistanjja?

LESSON 4

¿Kunatsa Traducción del Nuevo Mundo Biblia apsusiwayi?

¿Kunatsa aka Bibliajj jan yaqha Biblianakjamäki?

LESSON 5

¿Kunsa tantachäwinakapar sarasajj jikjjatasma?

Qollan Qellqatanakat yatjjatañataki ukat maynit maynikam chʼamañchtʼasiñatakiw tantachasipjje. Jumatï uka tantachäwinakar saräta ukhajja, ¡suma katoqtʼatäyätawa!

LESSON 6

¿Kunjamsa jilat kullakanakamp tantachasiñajj maynir yanaptʼaspa?

Diosan Arupajj jilat kullakanakamp tantachasiñasatakiw chʼamañchtʼistu. Ukhamajj kunjamsa jilat kullakanakamp tantachasiñajj yanaptʼistaspa uk uñjañäni.

LESSON 7

¿Kunjamsa tantachäwinakapajj sarayasi?

¿Kunsa tantachäwinakan lurasi uk jisktʼasirïtati? Uka tantachäwinakanjja, Bibliat wali sum yatichasi, uk uñjasajj wal muspharäta.

LESSON 8

¿Kunatsa tantachäwinakapar yäpar isthaptʼat sarapjje?

Kunjamsa isthaptʼatätan uk Diosatakejj wali wakiskiriwa. Ukhamajj kunjamsa Biblian yatichäwinakapajj isthaptʼasiñ toqeta ukat kʼachattʼasiñ toqet yanaptʼistu uk uñjañäni.

LESSON 9

¿Kunjamsa maynejj tantachäwinakatak sum wakichtʼasispa?

Tantachäwinakan sum yateqañatakejja, sum wakichtʼasiñaw yanaptʼätam.

LESSON 10

¿Kunjamsa familjam Diosar yupaychapjje?

Diosar jukʼamp jakʼachasiñamataki ukat familian jukʼamp mayachtʼatäpjjañamatakejja, ¿kunjamsa Diosar familjam yupaychañajj yanaptʼapjjätam ukwa akan yatjjatäta.

LESSON 11

¿Kunatsa jachʼa tantachäwinakan tantachasipjje?

Kimsa kutiw maran tantachasipjje. ¿Kunjamsa uka tantachäwinakar sarañajj yanaptʼistaspa?

LESSON 12

¿Kunjamsa Diosan arunakap yatiyapjje?

Kunjamtï Jesusajj Diosan arunakap yatiykänjja, ukhamwa jilat kullakanakajj yatiyapjjaraki. Ukhamajj ¿kunjamanakatsa yatiyapjje?

LESSON 13

¿Kunsa precursoranakajj lurapjje?

Yaqhep jilat kullakanakajj 30, 50, jan ukajj jukʼamp horanakwa phajjsin yatiyapjje. ¿Kunatsa ukham lurañ amtapjje?

LESSON 14

¿Kunjamsa precursoranakar wakichtʼasi?

Sapürunjam Diosan Reinopat yatiyapki uka precursoranakarojja, ¿kunjamsa wakichtʼasi?

LESSON 15

¿Kunjamsa jilïr irpirinakajj tamar yanaptʼapjje?

Jilïr irpirinakajj Diosar yupaychañan suma saytʼatäpjjewa ukat jupanakaw Diosan tamap sarayapjjaraki. ¿Kunjamsa jupanakajj yanaptʼapjjestu?

LESSON 16

¿Kunsa taman yanapirinakapajj lurapjje?

Tamanakan qheptʼañanak jan utjañapatakiw taman yanapirinakapajj yanaptʼapjje. Kuntï jupanakajj lurapki uk kunjamsa taqe tantachasirinakar yanaptʼi uk uñjañäni.

LESSON 17

¿Kunjamsa tamanak tumptʼirinakajj tamanakar yanaptʼapjje?

¿Kunatsa jichhürunakanjja tamanak tumptʼirinakajj tamanakar visittʼir sarapjje? ¿Kunjamsa jupanakajj jumar yanaptʼapjjeristam?

LESSON 18

¿Kunjamsa jan waltʼäwinakan yanaptʼasipjje?

Jan waltʼäwinakajj utjki ukhajja, Jehová Diosan Testigonakapajj jankʼakiw jilat kullakanakapar jañchi toqeta ukat ajay toqet yanaptʼañatak onjjtasipjje. ¿Kunjamsa uk lurapjje?

LESSON 19

¿Khitis Amuyasiri Cheqapa Uywatajja?

Jesusajj mä uywataruw uttʼayañapäna ukat uka uywataw arkirinakapar manqʼa churañapäna, mä arunjja, Diosan Arupat yatichañapäna. ¿Kunjamsa ukajj phoqasïna?

LESSON 20

¿Kunsa jichhürunakan Oraqpachan Jilïr Irpirinakajj lurapjje?

Nayrïr patak maranakanjja, mä qawqha jilïr jilatanaka ukat apostolonakaw cristiano taman jilïr irpirinakjam irnaqtʼapjjäna. ¿Jichhürunakan ukham jilatanakajj utjarakiti?

LESSON 21

¿Kunas Betel utajja?

Betel utanakajj mä wakiskir amtamp luratäpjjewa. Ukan irnaqtʼapki uka jilat kullakanakajj kunsa lurapjje ukwa akan yatjjatañäni.

LESSON 22

¿Kunanaksa mä sucursalan lurapjje?

Sucursalanak visittʼir sarapki ukanakajj wali suma katoqtʼatäpjjewa. ¡Jumatï sarasma ukhajja, wali askipunïspawa!

LESSON 23

¿Kunjamsa Bibliat apstʼat qellqatanakajj lurasi, ukat yaqha arunakar jaqokipasi?

Jehová Diosan Testigonakapajj 700 jila arunakaruw Bibliat apstʼat qellqatanak jaqokipapjje. ¿Kunatsa ukham wal chʼamachasipjje?

LESSON 24

Diosan Arupat oraqpachan yatiyasiñapatakejja, ¿kuna qollqempis yanaptʼasipjje?

Qollqe apnaqañ toqetjja, ¿kunansa Jehová Diosan Testigonakapajj yaqha religionanakat mayjäpjje?

LESSON 25

¿Kunatsa, ukat kunjamsa Tantachasiñ Utanak lurapjje?

Jehová Diosan Testigonakapajj Tantachasiñ Utanakanwa Diosan Reinopat yatjjatapjje. Uka utanakajj kunjamäpjjesa ukat kunjamsa tamar wal yanaptʼapjje ukwa akan yatjjatañäni.

LESSON 26

¿Kunjamsa Tantachasiñ Uta sumäskakiñapatak yanaptʼapjje?

Tantachasiñ Utanakajj qʼomäpjje ukat suma uñjatäpjje ukhajja, Diosar jachʼañchasiñapatakiw yanaptʼapjje. Ukhamajj ¿mä Tantachasiñ Uta qʼomachañatak kunanak lurañas wakisi?