KUNJAMSA PARLAÑ QALLTASMA
6 YATICHÄWI
Jan ajjsarirïñasawa
Bibliajj akham siwa: “Diosaw jan ajjsarañatakejj yanaptʼapjjetäna, ukhamat [...], suma yatiyäwinak jumanakar yatiyapjjañajataki” (1 Tes. 2:2).
Kunsa Jesusajj luräna
1. VIDEO uñtäta, jan ukajj Lucas 19:1-7 liytʼäta. Ukatsti, aka jisktʼanakaruw qhanañchtʼäta:
¿Kunsa Jesusat yateqassna?
2. Diosat kunatï cheqäki uk taqe jaqenakar parlañatakejja, jan ajjsartʼirïñasaw wakisi.
Jesusat yateqasim
3. Jehová Diosar confiyam. Espíritu santow Jesusarojj predicañatak yanaptʼäna, jumarojj ukhamarakiw yanaptʼiristam (Mat. 10:19, 20; Luc. 4:18). Ajjsarkta uka jaqenakar jan ajjsaras predicañatakejj Jehová Diosar yanaptʼa mayim (Hech. 4:29).
4. Janiw khitirus yaqhachañamäkiti. Awisajj uñnaqap uñkatasa, wali qollqenïtap layku, yaqha religionankatap layku jan ukajj yaqha ukhamanakatwa predicañ ajjsarsna. Ukampis akwa amtañasa:
5. Jan ajjsarirïñamawa amuytʼasirïñamarakiwa (Mat. 10:16). Respetompiw parltʼañama, janiw chʼajjwañamäkiti. Utanitï jan istʼañ munirjamäkchi jan ukajj jan parlañ munatap amuysta ukhajja, respetomp parlañ tukuyasaw sarjjañama (Prov. 17:14).
