Mar Rojo qota paskatasajja, Sinaí qollurojj pä phajjsit puripjjäna. Ukanwa Jehová Diosajj israelitanakamp mä pacto luräna, ajllit markapäñapataki. Jupanakarojj jan walinakatwa jarkʼaqäna, kunatï wakiskäna ukwa churarakïna: maná manqʼa churäna, jakapkäna ukansa jarkʼaqänwa, isipas janiw thanthaskänti. Jumatï wawanakanïstajja, kunatsa Diosajj Leyinaksa, tabernáculo carpsa, sacerdotenaksa israelitanakar churäna uk amuytʼañwa yanaptʼäta. Kunatsa humildëñasa, kunatsa mä promesa phoqañasa, kunatsa Jehová Diosat janipun jitheqtañasäki uksa yaticharakïtawa.