Akapachan tukusiñap jakʼankjjepanjja, chʼajjwäwinakasa, terrorismosa, guerranakas jiljjattaniwa (Ap 6:4). ¿Kunsa wakichtʼatäñatak lursna?

• Diosat jan jitheqtañatak wakichtʼasim. Diosaru, markaparu jukʼamp confiyañataki, akapachar jan mitisiñatakis Biblian wiñay yatichäwinakapata, yaqhep sarnaqäwinakat lupʼim (Pr 12:5; jr págs. 166, 167 párrs. 23, 24). Jichhaw congregacionan suma amigonak thaqañasa (1Pe 4:7, 8).

• Kunatï wakiski uk wakichtʼasim. Manqʼañam jan faltañapatak imasim, utat jan mistuñjamäkaspa ukhajj kunsa lurasma, mistusajj kawkjarus sarasma ukanakat amuytʼam. Mochila de emergenciaman kunanakas utjtam ukanak revistʼasim, mascarilla jan ukajj barbijo ukat yaqha ukhamanaksa, qollsa uchasirakim. Ancianonakan celular numeropajj juman utjañapawa, jupanakarus numerom churañamarakiwa (Is 32:2; g17.5-S págs. 3-7).

Jan waltʼäwinakan uñjaskasajja, Diosar serviñatakejj kunanaktï lurirïkta ukanak luraskakim (Flp 1:10). Janitï wakiskchejja, janiw mä cheqat mä cheqaru sarañamäkiti (Mt 10:16). Utjktam uksa mayninakamp compartiñamawa (Ro 12:13).

¿JAN WALTʼÄWINAKAR SAYKATAÑATAK WAKICHTʼATÄJJTATI? SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Jan walin uñjassna ukhajj kunjamsa Jehová Diosajj yanaptʼistaspa?

• ¿Kunanaksa wakichtʼatäñatakejj lursna?

• ¿Kunjamsa mayninakar yanaptʼsna?