Josué chachampi Salomón chachampejja, Jehová Diosan arsutanakap phoqasir uñjapjjänwa (Jos 23:14; 1Re 8:56). Uka chachanakan arunakapajja, Diosajj arsutanakap phoqapuniniwa sasin confiyañatakiw yanaptʼistu (2Co 13:1; Tit 1:2).

¿Kunjamsa Diosajj arsutanakap Josué chachan tiempopan phoqäna? Uk yatiñatakejja, Jehová Diosan arupajj phoqasipuniwa sat video familiamampi uñtam. Ukjjarojj aka jisktʼanakaruw qhanañchapjjäta: 1) ¿Kunjamsa Rahab warmjam Diosar confiysna? (Heb 11:31; Snt 2:24-26). 2) Acán chachajj yatkasinwa jan walinak luräna, ¿kunsa sarnaqäwipat yateqsna? 3) Gabaonitanakajj nuwasiñatak suma wakichtʼatäpkchïnsa, ¿kunatsa israelitanakampi sumankañatak Josué chachar kʼarintapjjäna? 4) Phesqa amorreo reyinakajj Israel marka contra nuwasiñ munapjjäna ukhajja, ¿kunjamsa Diosan arupajj phoqasïna? (Jos 10:5-14). 5) Diosan Reinop nayrar uchatamatjja, ¿kunjamsa Diosajj yanaptʼawaytam? (Mt 6:33).

Jehová Diosajj kunanaktï lurkäna, kunanaktï lurki, kunanaktï lurkani ukjjat lupʼiñäni ukhajja, jukʼampiw arsutanakapar confiyañäni (Ro 8:31, 32).