Pascuajj nayrïr kuti amtaskäna ukajj jan armkañapunïnwa. Uka arumasti, faraonajj jilïr wawapan jiwatap uñjasajj Moisesarojj akham sänwa: “Jaqenakajj taypita, sarjjapjjam jumanaka, ukhamarak israelitanakasa Tatitur yupaychiri kunjämtejj sapktajja ukhamarjama” sasa (Éx 12:31). Jehová Diosajj markapar jarkʼaqatapwa uñachtʼayäna.

Jichha tiemponjja Jehová Diosajj markapar pʼeqtʼaskakiwa, servirinakaparus jarkʼaqaskakiwa, ukat janiw pächasktanti. Uka toqetwa central mundialan utjki uka mä museopan jukʼamp qhanañchasi, uka museojj “Jehová Diosan sutipatak mä marka” satawa.

WARWICK CHEQAN UTJKI UKA MUSEONAKA: “JEHOVÁ DIOSAN SUTIPATAK MÄ MARKA” SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kuna musparkañ herramientampis Bibliat Yatjjatirinakajj 1914 maran Diosan arunakap yatiyapjjäna, ukat kuna askinaksa jikjjatapjjäna?

• ¿Kuna jan walinakansa jilat kullakanakajj 1916 ukat 1918 maranakan uñjasipjjäna, ukat Jehová Diosajj markapar pʼeqtʼaskatapajj kunjamsa amuyasïna?

• ¿Kunjamsa Diosan markapajj jarkʼata uñjaskasas Diosat jan jitheqtkäna?

• ¿Jehová Diosan markapajj kunsa 1935 maran amuyäna, ukat kunjamsa ukajj jupanakar yanaptʼäna?

• Jumatï uka museoru jan ukajj mä sucursalankir museor visittʼstajja, ¿Diosaw markapar pʼeqtʼaski jarkʼaqaskaraki sasin confiyañatakejj kunas chʼamañchtʼawaytamjja?