Jacob chachajja, kunatï jukʼamp wakiskirïki mä arunjja, Jehová Diosan bendicionap katoqañatakiw mä angelamp nuwasïna (Gé 32:24-31; Os 12:3, 4). ¿Jiwasajj Jehová Diosar istʼañatakejj chʼamachasiraktanti, ukhamat bendicionap katoqañataki? Sañäni, tantachäwir sarañampita, jukʼamp horanak trabajiñampit ajlliñasäspa ukhajja, ¿kunsa lursna? Jiwasatï tiempo apsusisa, qollqemp yanaptʼasa ukat chʼamasampi Jehová Diosar serviñäni ukhajja, Jupajj jilarkirwa bendisistani, janipuniw kuns faltaykistaniti (Mal 3:10). Juparakiw irpistani, jarkʼaqestani, kunatï jakañatak wakiski uksa churistani (Mt 6:33; Heb 13:5).

DIOSAR JUKʼAMP SERVIÑ MUNATAMJJA JANIPUN ARMAMTI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kuna yantʼansa mä kullakajj uñjasïna?

• ¿Kunatsa trabajosajj mä yantʼar tukuspa?

• Timoteo waynajj Diosar serviñan suma saytʼatäkchïnsa ¿kunatsa jukʼamp luräwinak katoqañatak chʼamachasiskakiñapäna? (1Ti 4:16).

• Kuna trabajos jiwasatak jukʼamp wakiskiri uk ¿kunjamsa uñachtʼaysna?