Salmos 98:1-9
-
Jehová Diosajj Salviriwa, cheqapar uñjir Juezarakiwa
-
Jehová Diosan salvir Diosätapaw yatiyasi (2, 3)
-
Salmo.
98 Mä machaq canción Jehová Diosar cantapjjam,+kuna laykutejj jupaw musparkañanak luri.+
Kupi amparapajja, mä arunjja santo amparapajj markaparuw salväna.+
2 Jehová Diosajj salvir Diosätapwa yatiyi,+cheqapar uñjir Diosätapwa markanak nayraqatan qhanañchi.+
3 Munasirïtapa jan jaytjasirïtapa jan apanukusirïtap israelitanakar uñachtʼayañatak arskäna ukwa jupajj amtasïna.+
Diosasajj salvir Diosätapwa oraqpachajj uñji.+
4 Taqe oraqpachajj wali kusisit arnaqasipjjam, Jehová Diosar jachʼañchapjjam.
Wal kusisipjjam, kusisiñat arnaqasipjjam, alabanzanak cantapjjam.*+
5 Jehová Diosarojj arpampi alabanzanak cantapjjam,*arpampi ukhamarak suma cancionanakampi cantapjjam.
6 Trompetanaksa pututsa phustʼapjjam,+Jehová Dios Reyi nayraqatan wali kusisit arnaqasipjjam.
7 Lamar qotajj kusisiñat arnaqaspan, kunanakatï ukar phoqantki taqe ukanakasa,oraqesa, ukan jakirinakasa kusisiñat arnaqasipjjpan.
8 Jawiranakajj amparanakap tʼajjllirapjjpan,qollunakas juntuk kusisiñat arnaqasipjjpan+
9 Jehová Dios nayraqatana, kuna laykutejj oraqer juzgañatakiw Diosajj jutaski.*
Cheqaparuw oraqen jakirinakarojj jupajj juzgani,+markanakarusti cheqaparjamaw juzgarakini.+
Notanaka
^ Jan ukajja, “music tukapjjam”.
^ Jan ukajja, “Jehová Diosatakejj arpampi music tukapjjam”.
^ Jan ukajja, “juti”.
