Salmos 82:1-8
Asaf+ chachan salmopa.
82 Diosajj tantachasiñ lugarapanwa saytʼasi,+diosanak* taypinwa jupajj akham sas juzgaraki:+
2 “¿Kunapachkamarak jumanakajj jan cheqapar juzgapjjäta,+kunapachkamarak jan wali jaqenak favorajj saytʼasipjjäta?+ (Sélah).
3 Jan yäqat jaqerusa jan awkin wajcharus* arjjatapjjam.+
Jan khiti yanapirini jaqerusa jan kunan jakasir jaqerus cheqapar uñjapjjam.+
4 Jan yäqat jaqerusa pobre jaqerus salvapjjam,jan wali jaqenakan amparapatsa salvapjjam” sasa.
5 Jupanakajj* janiw kuns yatipkiti ni amuyapkisa.+
Jupanakajj chʼamakanwa sarnaqasipki.
Oraqen taqpach cimientonakapas thaljatäsipkiwa.+
6 “Nayajj* akham sistwa: ‘Jumanakajj diosanakäpjjtawa,*+taqe jumanakajj Jachʼa Diosan wawanakapäpjjtawa.
7 Ukampis jumanakajj kunjamtï mayni jaqenakajj jiwapkejja ukhamwa jiwapjjäta.+
¡Kunjamtï mayni principenakajj tukusipkejja ukhamwa tukusipjjarakïta!’+ sasa”.
8 Sartasikimaya, Dios Tata, oraqer juzgam,+kuna laykutejj taqe markanakajj jumankiwa.
Notanaka
^ Jan ukajja, “diosanakar uñtasitanak”. Amuyatajja, Israel markankir juezanakatwa parlaski.
^ Variante: “iñurus”.
^ “Jupanakajj” sasinjja, Salmo 82:1 texton parlki uka diosanakatwa parlaski.
^ “Nayajj” sasinjja, Diosatwa parlaski.
^ Jan ukajja, “Diosar uñtasitäpjjtawa”.
