Salmos 36:1-12
Directorataki. Jehová Diosan David serviripan salmopa.
36 Jucha lurañajja chuyma manqhatpachwa jan wali jaqerojj parli,nayranakap nayraqatanjja janiw Diosar ajjsarañajj utjkiti.+
2 Jan wali jaqejja wali suma jaqëkaspas ukhamwa jupa pachpajj amuyasi,janiw pantjasitap amuykiti, janirakiw pantjasitapar uñiskiti.+
3 Lakapankir arunakajja usuchjiri, engañjiri ukhamawa,kunatï sumäki uk lurañatakejj janiw suma amuyunïtap uñachtʼaykiti.
4 Jan wali jaqejja ikiñapansa jan walinak lurañakwa amtaski.
Jan wali thakinwa saytʼasiraki.
Kunatï jan walïki uksa janiw apanukkiti.
5 Jehová Dios Tata, munasirïtamasa jan jaytjasirïtamas alajjpachanakkamaw puri,+jan apanukusirïtamajj qenayanakkamaw puri.
6 Cheqapar uñjirïtamajj jachʼa qollunakar uñtasitawa.+
Amtatanakamajj walja manqha umanakar uñtasitawa.+
Jehová Dios Tata, jaqerusa animalarusa utjayaskaktawa.*+
7 ¡Dios Tata, munasirïtamasa jan jaytjasirïtamasa wali valoraniwa!+
Chheqanakaman chʼiwipanwa jaqenakan wawanakapajj imantasipjje.+
8 Utaman utjki uka walja manqʼañanakatjja jupanakajj sistʼasiñkamaw manqʼapjje,+jumasti walja sumanakwa jupanakarojj churtajja, walja umani jawiratsa umaykasma ukhama.+
9 Jumaw jakañ vida churirïtajja,+qhanamatwa nanakajj qhan uñjapjjarakta.+
10 Khitinakatï jumar uñtʼapktam ukanakarojj munasirïtamsa jan jaytjasirïtamsa uñachtʼayaskakim,+cheqap chuymaninakarusti cheqapar uñjirïtam uñachtʼayaskakim.+
11 Jachʼa jachʼa tukur jaqen kayupajj nayar takichasiñap janikiy munamti,jan wali jaqen amparapajj nayar alisnukuñapjja janikiy munamti.
12 Khitinakatï jan wal lurapki ukanakajj liwisipjjewa,jupanakajj atipjatäpjjewa, janiw sartirjamäpkiti.+
Notanaka
^ Jan ukajja, “salvaskaktawa”.
