Salmos 29:1-11
Davidan salmopa.
29 Chʼamaninakan wawanakapa, Jehová Diosar jachʼañchapjjam.
Kʼajkir qhanapatsa chʼamapatsa Jehová Diosar jachʼañchapjjam.+
2 Jehová Diosan musparkañ sutip jachʼañchapjjam,Jehová Diosatakejj sagrado isinakamp isthapisisin altʼasipjjam.*
3 Jehová Diosan arsutapajj umanak patjjanwa istʼasi,kʼajkir Diosan arsutapajj qʼejjo qʼejjor uñtasitawa.+
Jehová Diosajj umanak patjjankiwa.+
4 Jehová Diosan arsutapajj wali chʼamaniwa,+Jehová Diosan arsutapajj jachʼañchatawa.
5 Jehová Diosan arsutapajj cedro qoqanakwa* pʼakiri,jïsa, Jehová Diosajj Líbano+ qollunakankir cedro qoqanakwa jiskʼa jiskʼa tʼunji.
6 Diosajj Líbano qollunakjja mä vaca qallurjamaw thoqnaqayi.
Sirión+ qollurusti mä salvaje torillorjamaw thoqnaqayaraki.
7 Jehová Diosan arsutapajj lliju llijunakwa qhantayi.+
8 Jehová Diosan arsutapajj wasar lugarwa khatatiyi,+Jehová Diosajj Cadés+ wasarwa khatatiyi.
9 Jehová Diosan arsutapajj venado* animalanakarus khatatiyiwa, wawachayarakiwa.
Diosan arsutapajj qoqanakan* laphinakapsa willirtayiwa.+
Templopanjja taqeniw akham sapjjaraki: “¡Diosajj jachʼañchatäpan!” sasa.
10 Jehová Diosajj walja umanakjjaruw* tronopan qontʼasi.+
Jehová Diosajj mä Reyjamaw wiñayatak tronopan qontʼasi.+
11 Jehová Diosaw markaparojj chʼam churani.+
Jehová Diosaw markaparojj sumankañamp bendisini.+
Notanaka
^ Jan ukajja, “Jehová Diosar adorapjjam (yupaychapjjam)”.
^ Jan ukajja, “arbolanakwa”.
^ Jan ukajja, “taruja”. Ukajja, qachu venadotwa parlaski.
^ Jan ukajja, “arbolanakan”.
^ Jan ukajja, “alajjpachankir lamar qotanakjjaruw”.
