Job 17:1-16
17 ”Samanajajj* tukusjjewa, urunakajas chhaqtjjarakiwa.
Cementeriow nayar suyaskitu.+
2 Burlasirinakaw muyuntapjjetu,+nayranakajasti kunjamsa jupanakajj kutkatasipjje ukwa uñjañaparaki.*
3 Mirä amp suma, nayar yanaptʼañamatakejj mä promesay luram.
¿Khitimpich nayar yanaptʼitaspa?+
4 Jumaw uka jaqenakan chuymapat amuytʼasirïñ imanttajja,+ukatwa jupanakarojj jan jachʼañchktati.
5 Inas jupanakajj mä kunsa amigonakapar churapjjchispa,ukañkamasti manqʼat pistʼañaw pachpa wawanakapan nayranakap chʼamaktʼayaski.
6 Jupajj* markanak taypin jiskʼachatäñatakiw* jaytitu,+ukatwa jichhajj ajanut thuskatapjjetu.+
7 Nayranakajajj llakimpiw chʼamaktʼaski,+cuerpojan taqe partenakapas wali tʼukhakëjjewa.*
8 Uk uñjasasti cheqap jaqenakajj wali musparataw uñchʼukipjje,jan juchani jaqesti jan wali jaqe* kawsajj wali mayjtʼataw uñjasiraki.
9 Cheqap jaqejj kunatï cheqapäki ukanakwa luraski,+jan juchani jaqejj jukʼamp chʼamaniruw tukuski.+
10 Ukampis taqe jumanakajj jutapjjam, ukanak mayamp arsusipkakim,janiw nayajj ni mä yatiñan jaqerus jumanak taypin uñjkti.+
11 Nayan urunakajajj tukusjjewa,+kunanaktï chuymajajj munki uka amtanakajas tukusjjarakiwa.+
12 Jupanakasti arumarojj ururuw tukuyasipki,‘chʼamakawa, qhanajj jakʼankañapawa’ sasaw sapjjaraki.
13 Nayatï suytʼäjja, Sepulturaw* utajäjjani.+
Nayasti chʼamakanwa ikiñaj jantʼaktʼäjja.+
14 Sepulturarojj+ ‘¡jumaw nayan tatajätajja!’ sasaw artʼäjja.
Laqʼonakarusti ‘¡mamaja, kullakaja!’ sasaw artʼarakëjja.
15 Ukhamasti ¿kawkinkisa nayan suytʼäwijajja?+
¿Khitis nayatak suytʼäwi utjatap uñjaspa?
16 Suytʼäwijajj Sepulturan* barranakani punkuparuw saraqani,kunapachatï taqeni juntuki laqʼar saraqkañäni ukapachana”.+
Notanaka
^ Hebreo arunjja, “Espiritujajj”.
^ Jan ukajja, “uñchʼukipjjaraki”.
^ “Jupajj” sasinjja, Diosat parlaski.
^ Hebreo arunjja, “säwi arunak nayat parlapjjañapatakiw”.
^ Variante: “tajjakëjjewa”.
^ Jan ukajja, “apóstata”.
