Isaías 11:1-16
11 Jesé chachan jiskʼa troncopatjja+ mä jiskʼa ramaw jiltanini,+saphinakapat chʼichtanir+ mä alejja achoqaniwa.
2 Jehová Diosan espiritupaw jupjjankani,+ukatwa jupajj yatiñanïni,+ wali suma amuytʼasirïni,suma ewjjtʼanak churani, chʼamanïni,+taqe kun uñtʼani, Jehová Diosarus ajjsararakini.
3 Jupajj Jehová Diosar ajjsaratapatwa kusisini,+janiw aleq uñkatasakejj juzgkaniti,janirakiw aleq istʼasakejj cheqañchkaniti.+
4 Jan khiti yanapirin jaqenakarojja cheqaparuw juzgani,*oraqenkir llampʼu chuyman* jaqenakan askipatakiw cheqaparjam cheqañchani.
Lakapankir varampiw oraqerojj jawqʼatatani,+lakapan phustʼatapampiw* jan wali jaqenakarojj jiwayani.+
5 Justiciajja cinturapan cinturonapäniwa,jan apanukisirïñajja caderapan cinturonapäniwa.+
6 Qamaqejj* ovejamp chikaw jakasini,+leopardojja cabritompiw jiptʼasini,vaca qallusa, leonasa, likʼintayat animalasa juntukïpjjaniwa,*+mä jiskʼa yoqall wawakiw jupanakarojj irpani.
7 Vacampi osampejj juntukiw manqʼapjjani,qallunakapas juntukiw winkurtʼasipjjarakini.
Leonajj vacjamaw pasto* manqʼani.+
8 Ñuñuskir mä wawajja cobra sat asirun* pʼiyapanwa anatasini,ñuñu tʼaqat mä jiskʼa wawajj venenoni mä asirun tapaparuw amparap loqantani.
9 Nayan sagrado qollujanjja+janiw jupanakajj kuna jan walsa lurapkaniti,janirakiw kuna jan waltʼäwsa utjayapkaniti,+kuna laykutejj oraqejja Jehová Diosar uñtʼañampi phoqantatäniwa,kunjamtï umajj lamar qotar phoqantkejja ukhamaw phoqantani.+
10 Uka urunjja mayniw Jesé+ chachan familiapat* mä señaljam* markanakatakejj saytʼani,+markanakajja jupan ukaruw jisktʼasiñatakejj sarapjjani,*+samarañ lugarapasa jachʼañchatäniwa.
11 Uka urunjja Jehová Diosajj mayampiw chʼamap* uñachtʼayani, ukhamat Asiria,+ Egipto,+ Patrós,+ Cus,+ Elam,+ Sinar,* Hamat markanakata ukhamarak lamar qotankir islanakampita markapat jiltʼapki ukanakar recuperañataki.+
12 Markanakatakejja mä señalwa* saytʼayani, Israelat taqe toqer ananukutanakaruw tantachthapini, Judá oraqet taqe toqer ananukutanakaruw tantachthapini,+ oraqen pusi thiyanakapatpachwa* tantachthapini.+
13 Efrainan envidiasiñapajj chhaqtjjaniwa,+Judá contra saytʼasipki ukanakajj tukjatäpjjaniwa,Efrainajj janiw Judat envidiasjjaniti,Judá ukasti janirakiw Efraín contrajj saytʼkaniti.+
14 Jupanakasti filisteonakan qollu parkinakaparuw inti jalanta toqen atacapjjani,mayachtʼataw jupanakajj inti jalsu toqenkir jaqenakarojj saqueysupjjani.
Edom+ ukhamarak Moab+ markanakaruw katuntapjjani,ammonitanakas jupanakan apnaqatäpjjaniwa.+
15 Jehová Diosajja Egipto markan utjki uka qotat saraqer jiskʼa qotapwa* jaljtayani,*+jawir* contraw amparap onoqeyani.+
Nakhantir juntʼu phustʼatapampejj jawiran paqallqo uma jalirinakapwa wañtʼayani,jaqenakarus wiskhus* wisktʼasitaw kayuki* paskatayani.
16 Markapat jiltʼir jaqenakatakejja Asiria markat misturi+ mä thakiw utjani,+kunjamatï Egipto markat mistunipkäna uka urojj israelitanakatak mä thakejj utjkäna ukhama.
Notanaka
^ Jan ukajja, “jan yaqhachasaw juzgani”.
^ “Llampʼu chuymanïña” siski uk glosarion liytʼäta.
^ Jan ukajja, “espiritupampiw”.
^ Ukajja, “vaca qallumpi leonampejj juntukiw manqʼasipjjani” sasaw jaqokipasirakispa.
^ Hebreo arunjja, “Lobojj”. Uka animalajj qamaqer jan ukajj zorror uñtasitawa, qamaqet sipansa jachʼarakiwa.
^ Jan ukajja, “paja”.
^ Jan ukajja, “katarin”.
^ Jan ukajja, “markanakajja juparuw thaqapjjani”.
^ Jan ukajja, “señaltʼañatak mä postjam”.
^ Hebreo arunjja, “saphipat”.
^ Hebreo arunjja, “amparap”.
^ “Sinar” sasinjja, Babilonia markatwa parlaski.
^ Variante: “qawayanakapatpachwa”.
^ Jan ukajja, “señaltʼañatak mä poste”.
^ Hebreo arunjja, “lajjrapwa”.
^ Jan ukajja, “wañtʼayani”.
^ Ukajja, Éufrates jawiratwa parlaski.
^ Variante: “jiskhus”.
^ Variante: “kayuta”.
