Jehová deumafilu tati pu che elufi quiñe falin dungu, tüfa tañi dungual. Jehová, ¿ngüneduamquepei mai chumngechi entuqueiñ taiñ feipin? ¡Felei llemai! (Papeltuaimi Santiago 1:26). Feimu, ¿chumngechi ayühulafuiñ ta Jehová taiñ feipin meu?

1. ¿Chumafuiñ taiñ cüme entual taiñ feipin?

Biblia feipi: “Yafültucuniehuaimün, ca hueluquentu nehuentucuhuaimün” (1 Tesalonicenses 5:11). ¿Quimnieimi quiñe peñi cam lamngen duamtunielu ñi yafültucungeal? Fei, ¿chem chumafuimi tami yafültucuafiel? Feipiafuimi tami falintuniefiel ca chumngelu a fente falintuniefimi. Cafei raquiduamtucunieafuimi quiñeque troquiñ Biblia tami yafültucuafiel. Ca ngoimaquilnge, chumngechi entuqueimi tami feipin ca rume falin-ngei. Feimu eluunge tami ñochi dungual ca piuqueyehun meu femal (Proverbios 15:1).

2. Dungun mu iñchiñ, ¿chem dungu mu cuñiutucuhuaiñ?

Biblia feipi: “Huesa entulayaimün tamün feipin” (papeltuaiñ Efesios 4:29). Feimu huesaque dungu feipilayaiñ, pod dungulayaiñ ca cuñiutucuhuaiñ taiñ huesa duamelnoafiel pu che taiñ feipin mu. Cafei huesa dunguyelayaiñ caquelu che meu ca huitrameldungulayaiñ (papeltuaimi Proverbios 16:28).

3. ¿Chem quelluaiñmu cüme entual taiñ feipin?

Taiñ feipin mu quimfalngei chem taiñ raquiduamcülen ca chem ñi mülen taiñ piuque mu (Lucas 6:45). Feimu fente falin-ngei raquiduamal cümeque dungu meu. Raquiduamliyiñ tati norngelu, tati lifngelu, tati piuqueyefalngelu ca tati yamfalngechi dungu meu, cümeque raquiduam nierpuaiñ (Filipenses 4:8). ¿Ca chem chumafuiñ taiñ cüme raquiduamal? Cüme dulliaiñ chem dungu meu adngelluuqueiñ cam cüme rupaqueiñ, ca cümeque hueni quintuaiñ (Proverbios 13:20). Cafei petu taiñ dungunon, raquiduamafuiñ chumngechi duamelafuiñ tati pu che taiñ feipin meu. Feimu Biblia feipi: “Tati feipingequeelchi dungun raquiduamngenon mu, tüfa quiñe allfeñ reque femquelu quiñe fütra cuchillo, huelu tati quimche ñi feipiel yafülduamelquei” (Proverbios 12:18).

 DOI QUIMAIMI

4. Cuñiutucuucüleaimi chem tami feipial

Quiñeque mu pürümquechi dunguqueiñ raquiduamnon mu. Huelu fei hula raquiduamqueiñ taiñ feipinoafel (Santiago 3:2). Papeltuaiñ Gálatas 5:22, 23, ca ngüneduamaiñ tüfachi ramtun:

• ¿Chem dungu ñi feipingeel tüfachi troquiñ Biblia mu llellipuafuimi ta Jehová tami eluaeteu? Tüfachi troquiñ Biblia, ¿chumngechi quelluafeimu tami cüme entual tami feipin?

Papeltuaiñ 1 Corintios 15:33, ca ngüneduamaiñ tüfachi ramtun:

• Tami pu hueni ca chumngechi cüme rupaqueimi, ¿yepeafeimu mai tami huesa entual tami feipin? ¿Chumngelu femngechi feipiafuimi?

Papeltuaiñ Eclesiastés 3:1, 7, ca ngüneduamaiñ tüfachi ramtun:

• ¿Chumül am doi cümeafui tami ñücüfcüleal cam üngümcüleal tami dungual?

 5. Cüme duamtuafimi ta caquelu pu che

6. Piuqueyen mu dunguafimi tami pu che

 TAMI QUIMEL

Taiñ feipiel cümelcayafui cam huesalcayafui ta caquelu pu che. Feimu mülei taiñ cüme raquiduamal chem taiñ feipial, femngechi taiñ huesa duamelchenoal.

¿Chem piafuimi?

• ¿Chumngechi quellucheafuimi tami feipin mu?

• ¿Chem dungu meu cuñiutucuucüleaimi tami dungunoal?

• Tami cümeque dungu feipial ca piuqueyehun mu dungual, ¿chem quelluafeimu?