Raquiduamnge quiñe ñuque meu pepicamequefilu tañi pichiche ñi amual escuela mu. Fente tañi piuqueyeniefiel liftuniequefi, femngechi ti pichiche tremoleai ca com pu che peai tunte tañi piuqueyenieteu tañi pu chau. Ca femngechi Jehová ayüquei taiñ lif chengeal ca lif raquiduam nieal. Femngechi chengeliyiñ, cümelcaleaiñ iñchiñ ca püramyengeai ta Jehová.

1. ¿Chem dungu meu pengelafuiñ taiñ lif chengen?

Biblia meu Jehová feipieiñmu: “Lif chengeaimün” (1 Pedro 1:16). ¿Chumafuiñ taiñ lif chengeal? Rumel mülei taiñ liftuafiel taiñ tacun, müñetual, liftuafiel taiñ ruca ca taiñ auto. Femliyiñ tüfa, pengelaiñ taiñ lif chengen. Cafei liftuniequefiyiñ tati Trahunhue Ruca. Lif chengeliyiñ, quelluafuiñ ñi püramyengeal ta Jehová (2 Corintios 6:3, 4).

2. ¿Chem dungu famentunieafiyiñ?

Biblia feipieiñmu: “Liftuhuaiñ chem ñi huesalcaquefiel taiñ cuerpo ca taiñ raquiduam” (2 Corintios 7:1). Felei llemai, eluucülequeiñ taiñ famentuafiel chem dungu rume taiñ huesalcayafeteu taiñ cuerpo cam taiñ raquiduam. Com taiñ raquiduamqueel mu mülei taiñ ayühulafiel ta Jehová, feimu eluucülequeiñ taiñ famentuafiel podngechi raquiduam (Salmo 104:34). Cafei eluucülequeiñ ñi lifngeal taiñ nütramcaqueel (papeltuaimi Colosenses 3:8).

¿Ca chem dungu podümüñmayafeiñmu taiñ cuerpo ca taiñ raquiduam? Iñchiñ falintuniefiyiñ ta mongen ca ayüqueiñ taiñ tremoleal, feimu pütremtuquelaiñ ca drogatuquelaiñ. Cafei ayüqueiñ lif raquiduam nieal, feimu eluucülequelaiñ taiñ quisutu malütuumequenoal taiñ yehuel ca taiñ penoal pornografia a (Salmo 119:37; Efesios 5:5). Cüdaungeafui famentuafiel tüfachi huesaque dungu, huelu Jehová rumel eluucülequei taiñ quelluaeteu (papeltuaimi Isaías 41:13).

 DOI QUIMAIMI

3. Lif chengeliyiñ, püramyengeai ta Jehová

Papeltufiliyiñ tati fillque ley ñi elungeel pu israelche, quimtucuaiñ fente ñi falintuniequefiel Jehová taiñ lif chengen. Papeltuaiñ Éxodo 19:10 ca 30:17-19, fei ngüneduamaiñ tüfachi epu ramtun:

• Biblia ñi feipin meu, ¿chem raquiduamquei Jehová lifngeal tañi pu che?

• Taiñ lifcüleal, ¿chem eluucüleaiñ taiñ femal?

Cüdaungeafui lif chengeal, huelu cheu müleliyiñ rume, pichin plata cam fentren plata nieliyiñ rume, lif chengeafuiñ. Peaiñ ti VIDEO, ca ngüneduamaiñ tüfachi ramtun.

• Tati pu che taiñ amuldungulelfiel pefile engün ñi lifcülen com taiñ nieel, ¿quellupeafeyu tüfa ñi doi yamnieafiel ta Jehová? ¿Chumngelu cai?

4. Elcünunge huesaque huimtun

Pütremtuquelmi cam drogatuquelmi, quimtucuniequepelaimi chi ñi fente cüdaungen quiñepülecünuafiel tüfachi huesaque huimtun. Fei ¿chem quelluafeimu? Cümeafui tami raquiduamal chumngechi huesalcayafeimu tami femmequen. Papeltuaiñ Mateo 22:37-39, ca ngüneduamaiñ tüfachi epu ramtun.

• Drogatual ca pütremtual, ¿chumngechi huesalcayafui tami hueniyefiel Jehová?

• Drogatual ca pütremtual, ¿chumngechi huesalcayafui tami familia cam caquelu pu che?

Raquiduamnge chem dungu quelluafeimu tami elcünual quiñe huesa huimtun. b Peaiñ ti VIDEO.

Papeltuaiñ Filipenses 4:13, ca ngüneduamaiñ tüfachi ramtun:

• Quiñe che ngillatule, chillcatule Biblia ca amule ta trahun meu, ¿quellupeafeyu tüfa ñi elcünual quiñe huesa huimtun? ¿Chumngelu cai?

 5. Chaftufinge huesaque raquiduam ca huimtun

Papeltuaiñ Colosenses 3:5, ca ngüneduamaiñ tüfachi epu ramtun:

• Conal pornografia meu, huercüal mensaje, video cam foto ñi illutuafiel ta caquelu che cam quisutu malühual tañi yehuel, ¿chumngelu feipiafuiñ ñi ünufalngen tüfachi puque dungu Jehová tañi adquiñ meu?

• ¿Lif chengepeafuiñ mai chumngechi ayüquei Jehová? ¿Chumngelu am?

Quimürpunge chumngechi chaftuafuimi podngechi raquiduam. Peaiñ ti VIDEO.

Jesús quimeltueiñmu chem chumafuiñ taiñ connoal huesaque dungu meu. Papeltuaiñ Mateo 5:29, 30, ca ngüneduamaiñ tüfachi ramtun:

• Jesús feipilai taiñ allfülcayal taiñ cuerpo, huelu mai ngülamtuqueiñmu taiñ femal fillque dungu taiñ connoal huesaque dungu mu. Fei ¿chem chumafuiñ taiñ famentuafiel podngechi raquiduam? c

Chaftumequelmi huesaque raquiduam, ngoimaquilnge Jehová rume falintuquei tami nehuentumequen. Papeltuaiñ Salmo 103:13, 14, ca ngüneduamaiñ tüfachi ramtun:

• Chaftumequelmi quiñe huesa huimtun, ¿quellupeafeimu mai tüfachi troquiñ Biblia? ¿Chumngechi am?

 TAMI QUIMEL

Cümeque dungu femliyiñ, lif chengeliyiñ ca lif raquiduam nieliyiñ ayühulafiyiñ ta Jehová.

¿Chem piafuimi?

• ¿Chumngelu fente falin-ngei taiñ lif chengeal?

• ¿Chumafuimi tami lif chengeal?

• ¿Chumafuimi tami lif raquiduam nieal ca cümeque dungu femal?