QUIMELTUN 34

¿Chumngechi pengelafuiñ taiñ piuqueyeniefiel ta Jehová?

AMULCÜNUNGEAL

Eluulu eimi tami chillcatuafiel Biblia, fantepu meu ¿doi piuqueyerpufimi ta Jehová? ¿Ayüafuimi tami doi cüme hueniyerpuafiel ta Chau Dios? ‘Mai’ pilmi, loncontucunge tüfa: pengelelfilmi ta Jehová tami doi piuqueyeniefiel, quisu ta doi piuqueyeaimu ca cuñiutucuaimu. ¿Chumngechi pengelelafuimi tami piuqueyeniefiel ta Jehová?

1. ¿Chumngechi pengelelafuiñ taiñ piuqueyeniefiel ta Jehová?

Inafiliyiñ Jehová tañi feipin, pengelelafiyiñ taiñ piuqueyeniefiel (papeltuaimi 1 Juan 5:3). Huelu dicümtucuquelafi inei no rume ñi allcütuaeteu, huelu mai elueiñmu caque quiñeque iñchiñ taiñ dullial ñi inayafiel cam inanoafiel. ¿Chumngelu am? a Jehová ayüquei ‘com piuque mu taiñ feyentuafiel ti quimeltun’ (Romanos 6:17). Tüfa quimeltuqueiñmu Jehová ayüquei tañi inayafiel tañi feipin fente taiñ piuqueyeniefiel. Tati troquiñ 3 ca 4 tüfachi lifru meu quelluaimu tami femal Jehová ñi ayüqueel ca famentuafiel ñi ayüquenoel, femngechi pengelelafuimi tunte tami piuqueyeniefiel ta Jehová.

2. Cüdaungeafui chi taiñ pengelal taiñ piuqueyeniefiel ta Jehová

Biblia feipi: ‘Fentren huesaque dungu mu rupaquei ti nor che’ (Salmo 34:19). Com iñchiñ rupaqueiñ fillque huesaque dungu meu: huelulcauqueiñ, niehuelayafuiñ plata, norngenochi dungu femngeafuiñ cam caquelu huesaque dungu mu rupayafuiñ. Femngechi rupaliyiñ, doi cüdautuafuiñ chi taiñ femal Ngünechen tañi ayüqueel. Huelu nehuentuuliyiñ taiñ inanieafiel Jehová tañi feipin, pengelelafiyiñ taiñ rüf piuqueyeniefiel ca taiñ nor poyeniequefiel. Femngechi femliyiñ, Jehová nor piuqueyeaiñmu ca ‘turpu elcünulayaiñmu’ (Hebreos 13:5).

DOI QUIMAIMI

Ngüneduamaiñ chumngelu Jehová falintuquei taiñ inayal tañi feipin. Cafei ngüneduamaiñ chem quelluaiñmu taiñ nor piuqueyenieafiel.

3. Eimi ca huesa dunguyengeimi

Chumngechi feipilei Job ñi lifru, Satanás huitrameldungulelfi ta Job ca com tati pu che ayülelu ñi nor piuqueyenieafiel ta Jehová. Papeltuaiñ Job 1:1, 6–2:10, ca ngüneduamaiñ tüfachi epu ramtun:

Satanás, ¿chem feipiquefui Job tañi feyentun meu? (Pefinge Job 1:9-11).
Satanás, ¿chem dungu meu feipintucuqueiñmu Ngünechen meu? (Pefinge Job 2:4).

Papeltuaiñ Job 27:5b, ca ngüneduamaiñ tüfachi ramtun:

Job, ¿chumngechi pengeli ñi rüf piuqueyeniequefiel ta Jehová?

Job püntütripalai Jehová meu, femngechi pengeli fente ñi piuqueyeniefiel.

Püntütripanoliyiñ Jehová meu, pengelaiñ tunte taiñ piuqueyequefiel.

4. Ayühulelfinge Jehová tañi piuque

Papeltuaiñ Proverbios 27:11, ca ngüneduamaiñ tüfachi ramtun:

Quim chengeliyiñ ca allcütufiliyiñ ta Jehová, ¿chum duamcüleai Jehová? ¿Chumngelu femngechi feipiafuimi?

5. Eimi nor piuqueyerpuafuimi ta Jehová

Cüdaungefule rume, fente taiñ nor piuqueyeniefiel ta Jehová eluucülequeiñ taiñ nütramcalelafiel ta caquelu che Chau Dios meu. Peaiñ ti VIDEO, ca ngüneduamaiñ tüfachi epu ramtun.

VIDEO: Incayafimi tami feyentun (5:09)

¿Cüdautuquepeimi mai ñi nütramcayafiel tati pu che Jehová mu?
¿Chumi Jorge ñi llicahuenoal?

Piuqueyefiliyiñ Jehová ñi piuqueyefiel ca üdefiliyiñ Jehová ñi üdequeel, cüdautulayaiñ ñi inanieal quisu ñi feipin. Papeltuaiñ Salmo 97:10, ca ngüneduamaiñ tüfachi epu ramtun:

¿Chem dungu Jehová piuqueyeniefi? ¿Chem dungu Jehová üdequefi?
¿Chem quelluaimu tami piuqueyeafiel tati cümeque dungu ca üdeafiel tati huesaque dungu?

6. Müna cümei taiñ allcütuquefiel ta Jehová

Allcütufiliyiñ ta Jehová cümelcayaiñmu. Papeltuaiñ Isaías 48:17, 18, ca ngüneduamaiñ tüfachi epu ramtun:

Inaliyiñ Jehová tañi feipin, ¿rüf cümelcayafeiñmu? ¿Chumngelu femngechi raquiduamqueimi?
Feula doi quimimi tati Biblia, ca doi fülmanieimu ta Jehová, ¿chumngechi quellueimu ta tüfa tami mongen meu?

QUIÑEQUE CHE RAMTUAFEIMU: “¿Rüf ayühulpeafun mai ta Ngünechen?”.