QUIMELTUN 17
¿Chumngechi chengei ta Jesús?
Doi quimürpufiliyiñ ñi chumün Jesús Mapu meu, doi quimürpuafiyiñ Jesús ñi chumngen ca doi cüme quimürpuafiyiñ ta Jehová. ¿Ayüafuimi quimal Jesús tañi chumngen? Ca ¿chem mülei tami femal tami inayentuafiel?
1. ¿Chem dungu meu Jesús trüri tañi Chau meu?
Petu ñi mülepanon Mapu meu, Jesús fentren tripantu mülerquefui tañi Chau engu huenu meu. Feimu raquiduamquei ca femquei tañi Chau reque (papeltuaimi Juan 5:19). Jesús fente cüme inayentuquefi tañi Chau ñi cüme piuquengen, feimu quisu feipi: “Tuchi ñi peeteu iñche ca femngechi pefi tañi Fütra Chau” (Juan 14:9). Feimu mai, doi quimfiliyiñ ta Jesús fei tüfa quelluaiñmu taiñ doi cüme quimafiel ta Jehová. Jesús tañi cutranpiuqueyefiel tati pu che pengeli tunte tami cutranpiuqueyenieteu Jehová.
2. Jesús, ¿chumngechi pengeli tañi piuqueyeniefiel tañi Chau?
Jesús feipi: “Com pu che tañi quimal ñi piuqueyeniefiel tañi Chau, femquen itrocom tañi feipieteu tañi Chau” (Juan 14:31). Mülepalu Jesús Mapu meu, Jesús femi com tañi feipieteu tañi Chau, cüdaungefule rume, femngechi pengeli tunte tañi piuqueyeniefiel. Jesús ayüquefui ñi nütramcayafiel tati pu che tañi Chau meu, femngechi tati pu che ñi hueniyerpuafiel engün (Juan 14:23).
3. Jesús, ¿chumngechi pengeli ñi piuqueyechequen?
Tati Biblia feipi Jesús ñi rume piuqueyenierpufiel tati pu che (Proverbios 8:31). Jesús mülepalu Mapu meu quellufi ca yafültucufi tati pu che. Cafei femlu afmatufalchi dungu pengeli ñi cutranpiuqueyechequen (Marcos 1:40-42). Jesús dullintuchequelafui, fei tañi feipin meu yafültucufi com tati pu che cüme piuquengelu. Cafei fente ñi piuqueyechequen eluhui ñi cutrancangeal ca layal com tati pu che ñi duam meu. Jesús piuqueyefi com tati pu che, huelu doyelchi mai feichi pu che inaniequelu tañi quimeltun (papeltuaimi Juan 15:13, 14).
DOI QUIMAIMI
Inaduamaiñ Jesús tañi chumngen. Ca quimürpuaiñ chumngechi inayentuafuiñ Jesús tañi piuqueyechequen ca fürenechequen.
4. Jesús piuqueyeniefi tañi Chau
Jesús tañi femün meu quimeleiñmu chumngechi pengelelafuiñ ta Jehová taiñ piuqueyeniefiel. Papeltuaiñ Lucas 6:12 ca Juan 15:10; 17:26, fei ngüneduamaiñ tüfachi ramtun:
-
Inayentufiliyiñ ta Jesús, ¿chumngechi pengelaiñ taiñ piuqueyeniefiel ta Jehová?
Jesús rumel ngillatuquefui tañi Chau fente tañi piuqueyefiel mu.
5. Jesús duamtuchequefui
Jesús doyümquefui ñi cümelcaleal caquelu pu che, quisutu duamuuquelafui. Cansalefulu rume, rumel eluucülefui ñi quellucheal. Papeltuaiñ Marcos 6:30-44, ca ngüneduamaiñ tüfachi meli ramtun:
-
Ñi feipin mu tüfachi troquiñ Biblia, Jesús ¿chumngechi pengeli tañi duamtuchequen? (Pefinge Marcos 6:31, 34, 41 ca 42).
-
Jesús, ¿chumngelu (chemu) quellufi feichi pu che? (Pefinge Marcos 6:34).
-
Jesús inayentuquefi tañi Chau, fei ¿chem quimeltueiñmu Jehová meu Jesús tañi femün?
-
¿Chumngechi inayentuafuiñ Jesús ñi duamtuchequen?
6. Jesús fürenechequei
Fentren chemcün nienolu rume, Jesús ca eluhui ñi fürenecheal. Fei quisu ayülei taiñ inayentuafiel. Papeltuaiñ Hechos 20:35, ca ngüneduamaiñ tüfachi ramtun:
-
Jesús tañi feipin meu, ¿chem rüf ayühulafeimu?
Peaiñ ti VIDEO, ca ngüneduamaiñ tüfachi ramtun.
-
Müte nienoliyiñ plata, ¿chumafuiñ taiñ fürenecheal?
¡Tüfei!
Biblia feipi Jesús tañi üi meu mülei taiñ ngillatuafiel ta Chau Ngünechen (papeltuaiñ Juan 16:23, 24). Femngechi pengelaiñ taiñ mañumcülen Jesús ñi femün iñchiñ meu.
QUIÑEQUE CHE FEIPIAFEIMU: “Ngünechen cüpa quimniei tunte taiñ maneluucülen quisu meu, feimu cutrancaqueiñmeu”.
-
Ngüneduamfiliyiñ Jesús tañi femün, ¿chumngelu feipiafuiñ Chau Jehová cutrancaquelaeiñmeu?
TAMI QUIMEL
Jesús rume piuqueyeniefi tañi Chau, fei ca femngechi piuqueyeniefi tati pu che. Jesús fente cüme inaniequefi tañi Chau, feimu quimürpufiliyiñ ta Jesús doi quimürpuafiyiñ ta Jehová.
¿Chem piafuimi?
-
Inayentufiliyiñ ta Jesús, ¿chumngechi pengelaiñ taiñ piuqueyeniefiel ta Jehová?
-
Inayentufiliyiñ ta Jesús, ¿chumngechi pengelaiñ taiñ piuqueyeniefiel tati pu che?
-
¿Chem doi ayüquefimi Jesús tañi chumngen meu?
CA PEAFUIMI
Ngüneduamnge quiñeque dungu ñi femün Jesús tami inayentuafiel.
“¿Chumngechi inayentuafuimi ta Jesús?” (Jesús: tati rüpü, ti rüfngelu ca tati mongen, pagina 317)
Ngüneduamnge chumngelu fente falin-ngei ngillatuafiel ta Ngünechen, Jesús tañi üi meu.
“¿Chumngelu mülei taiñ ngillatual Jesús ñi üi meu?” (Ti Huerquen 1 febrero, 2008)
Biblia, ¿chem feipipei mai Jesús tañi adngen meu?
Jesús ñi cüme troquitufiel pu domo, ¿chem quimeltueiñmu?
“Chau Dios yamniefi ca falintuniefi pu domo” (Ti Huerquen 1 septiembre, 2012)
Eimi ca ayüafuimi
DOI RUPA ÑI RAMTUNGEQUEEL
¿Chem am tati chillcatun Biblia?
Tami chillcatual pu testigo engün püneafuimi chem Biblia rume. Cafei mangelafuimi tami pu familia ca hueni tamün quiñentrür chillcatual Biblia.
