‘Com tüfachi chüf mapu ñi ngünenieteu tati Huecüfü’ (1 Juan 5:19).

‘Fei tüfachi dungu meu cüpai Ngünechen ñi Fotüm tañi apümcañmayafiel tati Huecüfü tañi pepicaelchi dungu’ (1 Juan 3:8, Ngünechen ñi Küme Dungu).

Quimaimi cheu tuhui tati huesaque dungu mülelu Mapu meu (Apocalipsis 12:12).

Maneluucüleaimi ñi cümelcaletual taiñ Mapu (1 Juan 2:17).

Mai, mülei cüla dungu:

• Huecüfü ñi ngünen deu nielngei quiñe antü ñi apümngeal. Jehová elduamniei ñi apümcayafiel Huecüfü ñi ngüneniefiel tati pu che. Quisu feipicünui “tañi huehuafiel [...] huecüfü”, ca cüme elcünutual com ñi huesalcamequen (Hebreos 2:14).

• Ngünechen dullifi ta Jesús ñi ngünenieal ti Mapu. Jesús trürlai tati ngünenielu tüfachi Mapu famülque meu, tati Huecüfü ñi rume huesa piuquengeel ca quisutu ñi ayüqueelchi dungu müten inaniei. Cafei Ngünechen feipicünui Cristo ngünenietule ti Mapu: “Cutranpiuquenieafi tati fillalelu chi che ca tati pofre [...]. Trañmanieel ca fill huesaque dungu meu montulafi engün” (Salmo 72:13, 14).

• Ngünechen pepi coilatuquelai. Tati Biblia cüme feipi Ngünechen “ngelai tañi coilatual” (Hebreos 6:18). Feimeu, Jehová feipile ñi femal quiñe dungu, rüf maneluuqueiñ ñi femürpual (Isaías 55:10, 11). Ca deu feipicünui “tati ngünenielu tüfachi Mapu huemünentungeai” (Juan 12:31, Traducción del Nuevo Mundo).