¡AWÜNGEY! ¿Chummekeyngün anta tüfachi pu che? ¡Ngillatumekeyngün kiñe pichi (püchü) kulliñ! ¿Chumngelu (chemu) am femmekeyngün?

Moyse mülepulu fentren antü ti fütra wingkul mew, tati pu che feypingün: ‘Kimlayiñ ñi chumün Moyse. Dewmayayiñ kiñe dio taiñ entuaetew tüfachi mapu mu.’

‘Feley’, pirkey Aaron, Moyse ñi peñi. ‘Entumün ka küpalmün tamün milla chaway.’ Femlu ti pu che tüfa, Aaron lliwülfi ti milla ka dewmay kiñe pichi milla kulliñ. Ka tati pu che feypingün: ‘¡Tüfa taiñ Ngünechen, taiñ entuetew Egipto mapu mew!’ Feymew nierkeyngün kiñe fütra kawiñ (ayüwün-ngechi trawün) ka poyefingün ti pichi milla kulliñ.

Jewba pefilu tüfa, rume illkuy (lladküy). Ka feypifi Moyse: ‘Matukelnge ka nag-nge. Ti pu che wedalkamekeyngün. Ngoymañmaenew tañi ley dungu engün, ka lloyünagi engün puñma kiñe pichi milla kulliñ.’

Pürüm (pür) nagpay Moyse ti fütra wingkul mew. Püllelepalu (akulu püchü tripa) Moyse pefi tüfa. ¡Tati pu che üllkantumekeyngün ka purunmekeyngün inaltu pichi kulliñ mu! Moyse rume illkuy (lladküy) ka ütrüfnakümfi ti epu llingüd kura mülelu tati Ngünechen ñi ley, ka trafoy. Feymew nufi ti pichi kulliñ ka lliwülfi. Few wüla küme rüngümkünufi.

Tati pu che ñi femün müna wedalkay. Feymu lle Moyse feypifi kiñeke wentru: ‘Entupamün tamün fütrake kuchillo. Tati wedake che ñi poyekefiel ti pichi kulliñ, müley ñi layal,’ pi. ¡Feymu lle tüfachi pu wentru langümfingün küla warangka che! ¿Chem kimeltueiñmew tüfa? ¡Müley taiñ küñiwtuwküleal taiñ poyeafiel Jewba müten, kakelu koyla dio no!