RUPAY alün tripantu. Noe ñi pu fotüm nierkeyngün fentren pu yall. Ka ñi pu yall engün tremürkeyngün ka nierpuyngün yall. Rupalechi tripantu mu, mülerpuyngün fentren che Mapu mu.

Kiñe tüfachi che Noe ñi yom laku ngefuy, feypingelu Nemrod. Kidu weda wentru ngefuy, ka tukefuy ka langümkefuy kulliñ, ka che. Kafey Nemrod rey ngerkewi tañi ngünenieafiel kake che. Ngünechen ayükelafi Nemrod.

Feychi antü mu, kom che dungunkefuy kiñe kewün dungun müten. Nemrod ayükey ñi kiñewküleal engün, kidu ñi pepi ngünenieafiel. Feymu lle, ¿kimimi chem ñi femün? Feypifi ñi dewmayal engün kiñe waria, ka kiñe fütra alüpürachi ruka fey mu. Ti adentun mu pefimi dewmamekeyngün ladrillo.

Chaw Ngünechen Jewba ayülafi tüfachi fütra alüpürachi ruka. Kidu ayükey tati pu che ñi mülen mu, kañpüle amutual, ka ñi mongeleal fill püle Mapu mu. Welu feypirkeyngün: ‘¡Amuayiñ! Dewmayiñ kiñe waria, ka kiñe doy fütra alüpürachi ruka, ñi wechun puay kalfü wenu mu. ¡Feymu wüla wenupürayay taiñ üy!’ Ayükeyngün kidu ñi küme üytungeal müten engün, Ngünechen no.

Feymu lle Ngünechen katrülduamfi tati pu che ñi dewmayal ti fütra alüpürachi ruka. ¿Kimimi chumngechi femi? Femi ñi kiñen kewün ñi dungunoal müten, welu may dungurumey che kakewme kewün. Welukontu kimfaluwelayngün ñi dungu. Feymu lle, ti waria üytungey Babel, ka Babilonia, tüfa ñi feypin “Welulkawün”.

Fey wüla tati pu che mülelu Babel mu amutuyngün. Pu trokiñ kiñen kewün, amurkeyngün ñi mongeleal kañpüle Mapu mew.