Septiembre cüyen mu eluucüleaiñ müten taiñ feipiafiel pu che taiñ chillcatulelafiel Biblia ti folleto ¡Rumel ayüucüleaimi! Feichi cüyen mu, pu peñi ca pu lamngen precursor auxiliarngeafui 30 hora. ¿Chumngechi cüdahuaiñ tüfachi falin cüdau mu?

• Hue nütramcafiliyiñ ti che: Pengelafiyiñ ti afchi pagina mülelu ti folleto mu, femngechi ñi doi cüpa quimal ti che. Cafei feipiafiyiñ ti che chumngechi chillcatungequei Biblia feitachi folleto mu. Ngoimanentulayafiyiñ pu che taiñ cüme allcütueteu cuifi, huelu piquelafui ñi estudiayal Biblia. Feula ta ayüafuingün chi ñi chillcatual Biblia feitachi folleto mu. Feitachi folleto elcünulayafiyiñ ngenole ta che ruca mu. Ca feitachi folleto mandal-layafiyiñ carta mu taiñ allcütuquenoeteuchi che. Pu loncolelu coneltulelu ti Comité de Servicio adcünuafui doi trahun ñi amuldungungeal feichi cüyen.

• Caquelu rupa: Amuldunguliyiñ carrito mu, adquiñ mu nieafiyiñ ti folleto ¡Rumel ayüucüleaimi! pingelu. Pu che doi ayülu tañi quimal, feipiafimi ñi chillcatuafel Biblia feitachi folleto mu. Ca feipiafimi ñi cullinoal chem no rume ñi chillcatual Biblia. Pengelelfinge chumngechi femngeafui ti chillcatun, cam ca antü ta femafuimi. Ti loncolelu amuldungun mu (superintendente de servicio) feipiafi quiñeque peñi, lamngen pepicaucülelu ñi amual negocio mu, fei ñi ofrecelmeafiel estudio ti pu che. Eimi ca feipiafuimi tami pu compañ cüdau mu tami chillcatulelafiel Biblia. Ca cheu rume amuldungulmi, femaimi.

Jesús huercüeiñmu taiñ enseñalelafiel ta che, femngechi ñi discipulongerpual (Mt 28:19, 20). Septiembre cüyen mu femaiñ, chillcatulelafiyiñ Biblia ti pu che ti folleto ¡Rumel ayüucüleaimi!