TAIÑ KRISTIANO MONGEN

We kellu ngüneduamngealu trawün semana mu

AMULCÜNUNGEAL

Konle enero 2018 tripantu mu, ti trawün semana ngüneduamngeay fillke kimelün dungu, adentun ka video mülelu Traducción del Nuevo Mundo de las Santas Escrituras ñi chillkatungeal internet mu (nwtsty), petu tripanofule rume tami kewün dungu mu. Tüfa lle müna kümelkayaeymu tami pepikawal ti trawün. Doyelchi may, kelluaeymu tami doy weniyeafiel taiñ poyen Chaw Jewba.

KIMELÜN DUNGU

Tüfachi kimelün dungu pengelkey fillke wimtun niekefulu pu che, ka chumngechi dungungekefuy ka chumlekefuy ti mapu.

Matew 12:20

Lino mecha fitrulelu: Tati pelontuwe dewmangekefuy pichike metawe apolngekelu aseyte oliva mu. Ti aseyte pürakefuy lino mecha mu, femngechi üyümngekefuy ti küde kütral. Tati feypin “lino mecha fitrulelu” rulpangekelu griego kewün mu küpa feypipelay kiñe mecha fitrulelu epe chongnagalu am ti kütral kam dew chongnaglu. Ti pelon dungu mülelu Isaías 42:3 feypikünuy Jesus ñi kutranpiwkeyeafiel pu ñom piwkengelu, kidu turpu chongümlayafuy reke pu kutrankawkülelu ñi maneluwün.

Matew 26:13

Rüf dungu, rüfkünu: Griego kewün mu Amén tuwi ti ebrew kewün mu, ka küpa feypiley “rüfngey llemay” kam “felepe may”. Jesus wüne feypikefuy tüfa ñi feypikünual kiñe dungu kam feypial pelon dungu. Biblia mu Jesus müten feypikefuy “rüfngey llemay” kam “felepe may” ñi kimfalkünual ñi rüfngen ka manelfalngen tañi feypin. Kom ti lifru Juan pengelkey Jesus ñi feypikeel “amén amén”, femngechi doy küme kimfalkünukefuy ñi rüfngen tañi feypin (Jn 1:51).

ADENTUN KA VIDEO

Fillke adentun ka video nienolu dungun pengelkey fillke ngüneduamfalchi dungu Biblia mu.

Betfage, Olifu wingkul ka Jerusalen

Tüfachi video pengeli chumngechi puwal ta Jerusalen puel püle, feychi waria et-Tur pingelu puwi ta Olifu wingkul ñi wechuñ mu (feypingekey et-Tur fey ta Betfage tripalu Biblia mu). Betania müley puel püle Betfage mu, Olifu wingkul ñi külleg konwe antü püle. Jesus ka tañi pu disipulo amukefulu ta Jerusalen mu umañpukefuyngün Betania mew. Fantepu feychi lof mu müley el-Ázariyeh (El Éizariya) pingechi waria, tüfa arabe kewün mu feypiley “Lasaru ñi mülewe”. Feymu kimnieiñ Jesus umañkefuy Marta, Maria ka Lasaru ñi ruka mu (Mt 21:17; Mr 11:11; Lk 21:37; Jn 11:1). Jesus mülelu kidu engün ñi ruka mu ñi puwal ta Jerusalen inaniefuy chi ti rüpü pengel-lu tati video. Feychi 9 nisan küyen 33 tripantu mu, Jesus pürakawellutulen kiñe furiku mu rumey ti Olifu wingkul ka koni Jerusalen mew. Betfage mu rüpütuley chi ñi puwal ta Jerusalen.

Ti rüpü Betania mu ñi puwal ta Betfage
Betfage
Olifu wingkul
Sedron waw mapu
Chew ñi anülen ti ngillatuwe ruka

Kiñe rüngkoy namun foro külafantukungelu

Feychi 1968 tripantu mu Jerusalen ñi pikun püle pengey kiñe rüngkoy namun katakonlu kiñe külafo 11,5 centimetro fentelu. Ti retrato adentukünuy tüfachi rüngkoy namun foro külafantukungelu Roma ñi antü mu. Tüfa pengey ponwi kiñe kura kakon mu chew ñi elngen kiñe che ñi foro dew fünalu ñi kuerpu. Femngechi kimfalkünungey ñi külafantukungekefel pu wedake che kiñe orkon mamüll mew ka ñi rüngaltukungekefel engün. Tati pu roma soltaw külafantukufi ta Jesus ti orkon mamüll mew femngechi külafo mu peno (Mt 27:35, TNM).

TI PAPEL TAIÑ PEPICAHUAM