Pu che mülei ñi dullial inei tañi ngünenieaeteu engün.

 ¿Chem pilei Biblia tüfachi dungu mu?

 Biblia feipi ti loncolechi che pepi femlayafuingün quiñeque dungu.

•   “Maneluulayaimün pu principe meu ca chem huentru meu no rume, fei engün am montul-layaimünmeu. Afquei tañi neyen, fei huiñotui trufür mapu meu; feichi antü meu mai niehuelai raquiduam” (Salmo 146:3, 4, nota).

 Tunte puhun-ngefule rume quiñe loncolelu, rupaleyechi tripantu mu larpuai. Ca dungu, quiñe loncolelu femfule rume cümeque dungu, huelu cangelu loncolelu conle ñi ngünenieal, quimfal-lai ñi amulnieafiel feichi cümeque dungu cam ñi femnoal (Eclesiastés 2:18, 19).

 Biblia feipi pu che deumangelai tañi quisutu ngüneniehual engün.

•   “Tati pu che trecalelu, ngen-ngelai ñi adcünual quisu tañi trecan no rume engün” (Jeremías 10:23).

 Famülque mu, ¿mülepeafui mai quiñe cüme loncolelu?

 Biblia feipi Chau Dios tañi loncocünufiel ta Jesús. Chem che rume trürlayafeyu ta Jesús tañi puhun-ngen ca tañi manelfalngen (Salmo 2:6). Jesús loncolei Chau Dios ñi Gobierno mu. Huenu mu deu mülei tüfachi ngünenien (Mateo 6:10).

 ¿Llohuafimi cai Jesús tami ngünenieaeteu? Rume falin-ngei tami femal. Biblia feipi:

•   “Püramyefimün ti fotüm [Jesucristo], femnolmün Chau Ngünechen illcurpuai ca layaimün ti rüpü meu, quisu am eluucülelu ñi illcual. Ayühun-ngei com tati pu maneluulu Quisu meu” (Salmo 2:12).

 Feulangei tami dullial tami ngünenieaeteu Jesús. Ñi feipicünungeel Biblia mu, Jesús coni tañi ngünenieal 1914 tripantu mu. Pichiñma mu, Chau Dios tañi Gobierno apümcayafi pu che tañi gobierno, quisu müten tañi ngünenierpual (Daniel 2:44).

 ¿Chumafuimi tami quelluntucuafiel Jesús tañi ngünenien mu? Ayülmi tami quimal, papeltufinge ti troquiñ “Doyümfinge Chaw Dios ñi Gobierno”.