¿Chem piafuymi eymi?

• May

• Femlay

• Femkayafuy chi

Biblia ñi feypilen

“Epe puwkülele ñi afael ta antü müleay ta kuñiwünngechi dungu” (2 Timotew 3:1). Ti Biblia ñi pelon dungu ka chem ñi rupameken pengelkey taiñ mülen ‘tati afaelchi antü’ mu.

Ti Biblia, ¿ka chem kimeltukeeiñmu?

• Ti afaelchi antü mu müleay weychan, ngüñün, wedake kutran ka nüyün (Matew 24:3, 7; Luka 21:11).

• Ti afaelchi antü mu, pu che duamtulayafuy ta Chaw Ngünechen ka ñi yenieal lif mongen (2 Timotew 3:2-5).

Kiñeke che rakiduamkey puwle ñi afael ta antü apümkangeay ti Mapu ka kom tati pu che. Kakelu rakiduamkeyngün ñi kümelkalerpual ti dungu Mapu mew. ¿Chem pimi kay?

Biblia ñi feypilen

“Tati pu norngechi che lloway ti Mapu ñi ngen-ngeal engün, ka rumel müleayngün fey mu” (Salmo 37:29).

Ti Biblia, ¿ka chem kimeltukeeiñmu?

• Dew rupale ti afaelchi antü, apümkangetuay ti wedake dungu (1 Juan 2:17).

• Ti Mapu kiñe küme mülewe ngetuay (Isaías 35:1, 6).