JERUSALÉN mu, müley ti Museo de las Tierras de la Biblia. Feychi museo mu müley kiñe kura dewmangelu 700 kam 600 tripantu peno petu ñi mülepanon Jesus. Feytachi kura pengey kiñe lolo mu chew ñi elngekefel pu la. Fülkülefuy Hebrón pingechi waria mu. Ti kura feypiley: “Yahweh Sabaot malisiafipe Hagaf, Hagav ñi fotüm”. Ñi wirintukungeel tüfachi kura, ¿chumngechi pengeli ñi rüfngen Biblia ñi feypin? Tüfachi kura feypiley Yahweh, femngechi ka pingekefuy ti üy Jewba. Feytachi üy hebreo kewün mu wirintukungefuy YHWH. Feymu ñi feypilen ti kura pengeli pu kuyfike che ñi kimniefiel ka ñi üytukefiel Chaw Dios tañi üy. Kakelu kuyfike lolo mu ka pengey ñi wiriel che trawüluwlu ka ellkawlu fey mu. Wirintukukefuyngün Chaw Dios tañi üy ka kakelu che ñi üy nüwkülelu Chaw Dios ñi üy mew.

Kiñe adümuwün domo Rachel Nabulsi pingelu, ngüneduamfilu feychi wirin dungu feypi: “Rume falin-ngey fentren rupa ñi wirilen ti üy YHWH [...]. Tüfa pengeli fente ñi falintukefiel pu israelita ka tati pu judio tati yenielu feychi üy” pi. Tüfa pengeli fente kümey ñi tripan Chaw Dios tañi üy fentren rupa Biblia mu. Kuyfi mu fentren üy nüwkülefuy Chaw Dios tañi üy mu.

Ti feypin Yahweh Sabaot feypiley “Jewba ñidolkülelu pu weychafe mu”. Tüfa pengeli kuyfitu tati pu che “Jewba” pikefuy, welu ka femngechi feypikefuy “Jewba ñidolkülelu pu weychafe mu”. Tüfa pengeli fente kümey ñi tripan Biblia mu ti feypin “Jewba ñidolkülelu pu weychafe mu”. Tüfa tripay 283 rupa ti Hebreo Wirintukun mu, welu doy tripay ti lifru ñi wirintukuel Isaia, Jeremia ka Sakaria.