¿Chumngelu ngelay ñi tukuafiel taiñ fillke papil kakelu sitio internet mu kam redes sociales mew?

Kofrakelaiñ taiñ elelafiel pu che taiñ fillke papil, feymu kiñeke che rakiduamkey ñi wedalkanon tukuafiel tüfa kakelu sitio internet mu kam redes sociales mew (tüfa ta kiñeke sitio internet kam aplicacion chew ñi nütramkawken pu che koneltulelu fey mu). Pu femngechi femkelu wedakünukey ka inaniekelay chem ñi feypin ti dungu “Chumngechi püneafiel” taiñ fillke sitio internet mu * (inaduamnge ti kimal dungu). Fey mu kimfalkünungekey tüfa: iney no rume ngelay ñi allmalltuafiel ti feypin jw kam jw.org, fillke adentun, musika, video, fillke dungu ñi papeltungeal elektroniko chemkün mu ka chem rume ñi mülen jw.org mu. Feymu ngelay ñi tukungeal kakelu sitio internet mu (redes sociales, chew ñi pengelngekeel fillke dungu kam video internet mu, ka chew no rume). ¿Chumngelu duamfalngey ñi inangeal tüfa?

Ti ley dungu ingkañpekefi kom ñi nieel taiñ fillke sitio. Tüfa falin-ngey ñi pekanka femngenoal. Pu püntülechi kristiano kayñetufilu Jewba ñi rüf dungu ka kakelu che küpa üñfitukeeiñmu. Feymu tukukeyngün taiñ fillke papil kiduke ñi sitio internet mew, femngechi ñi ayüwmayafiel pu Dungukelu Iney Ngen Jewba ka kakelu che. Welu feychi sitio mew ka tukukeyngün wedake dungu ñi yeafiel pu che tañi müte feyentunoal (Salmo 26:4; Proverbios 22:5). Kakelu pepikakeyngün fillke aplicacion ñi nieal ti celular kam tablet, fillke chemkün tañi fendeal, ka fillke dungu ñi kimelngeal tüfa, fey mu tukukeyngün kiñeke dungu ñi entukeel pu Dungukelu Iney Ngen Jewba kam ti kallfü adentun feypilelu jw.org. Wingkañmayafuiñ ñi katrütuafiel engün, ley dungu ingkañpekefilu am taiñ fillke papil ka feychi kallfü adentun (Proverbios 27:12). Welu pu kues kellulayafeiñmu elufiliyiñ taiñ pu peñi, lamngen ka kakelu che ñi tukual kake sitio internet mu taiñ fillke papil, kam elufiliyiñ ñi pengelal ti kallfü adentun feypilelu jw.org ñi fendeal tañi chemkün.

Entuliyiñ taiñ fillke papil kakelu sitio internet mu kuñiwün-ngeafuy. Ti “kim manelfal kona” mu Jewba elukeeiñmew tañi kimün (Matew 24:45, TNM). Taiñ eluaetew tüfa, feychi trokiñche niey küla sitio müten, tüfa ta www.jw.org, tv.jw.org, ka wol.jw.org. Ka niey küla aplicacion müten ñi nieal celular ka tablet, tüfa ta JW Language^®, JW Library^®, ka JW Library Sign Language^®. Tüfakechi sitio ka aplicacion mu pengekelay publicidad ka chem no rume küpalu Weküfü mew. Welu kakelu sitio kam aplicacion mew, kiñeke che welukünuafuy ñi feypin taiñ fillke papil, feymu kuñiwün-ngeafuy taiñ entuafiel (Salmo 18:26; 19:8).

Ka femngechi, kiñeke sitio internet mew pu che wirintukukey ñi rakiduamkeel. Welu tukuliyiñ taiñ fillke papil femngechi sitio mu, pu püntülechi kristiano kayñetufilu Jewba ñi rüf dungu ka kakelu che allmalltuafuy ñi weda dunguyeafiel Jewba ñi trokiñche. Tüfakechi sitio mu kiñeke peñi ka lamngen notukadungukefi feychi pu che, welu doy weda dunguyengeafuy Jewba. Femngechi notukadunguliyiñ internet mew, kellulayafiyiñ ta kiñe che ñi küme elkünutual tañi rakiduam kam doy küme adümafiel ti rüf dungu (1 Timotew 6:3-5; 2 Timotew 2:23-25). Kafey kiñeke che dewmakey sitio internet mew ka konkey redes sociales mu, fey küpa rakiduameleiñmew ñi küpan taiñ trokiñche mu kam Kiñewkülechi Ngünenielu mew. Welu femfaluwkeyngün müten. Kiñe no rume ti Kiñewkülechi Ngünenielu mu nielay kidu ñi sitio internet mu kam red social.

Yefiliyiñ pu che ta jw.org mu, kelluntukuaiñ ñi amuldungungeal ti “küme kimelün dungu” (Matew 24:14). Taiñ fillke sitio ka aplicacion doy kümelkaletuy. Ayükeiñ kom pu che ñi entual kümeke dungu tüfa mu. Feymu, weda dungu no werkülelafiel ta kakelu kiñe taiñ fillke papil correo electronico mew. Ka werkülelafuiñ chumngechi puwal engün taiñ sitio internet mu. Femngechi kelluafiyiñ pu che ñi fülmawal tati “kim manelfal kona” mu, tüfachi trokiñche müten wülkelu am Ngünechen ñi kimün.