Fentren che cutrancülei ñi raquiduam
“Rumel contuqueneu fill raquiduam, quisu anüleli rume tañi ruca mu”.
“Rume cüme duamcülelu iñche, huesa raquiduam contuqueneu. Quiñeque mu rume ayüucülequen, huelu pichin mu hueñancületuquen”.
“Eluuquen tañi raquiduamtucunieal chem tañi chumal caque quiñeque antü mu, huelu quiñeque mu fillque dungu fill raquiduamelqueneu”.
Tüfa ñi feipin quiñeque che cutrancülelu ñi raquiduam. Eimi cai, ¿ca femngechi duamqueimi, cam quiñe tami poyen che?
Rüfcünu, eimi quisulelaimi. Fentren che ca cutrancülei ñi raquiduam, cam quiñe tañi piuqueyenieelchi che cutrancülele ca huesa duamelaeyu.
Felei llemai, com iñchiñ rupamequeiñ “cüdaungechi dungu”, fei tüfa huesa duamelqueiñmu (2 Timoteo 3:1). Com mapu meu ngüneduamngei, pura che meu quiñe cutrancülei ñi raquiduam. Feichi 2020 tripantu mu, ti COVID-19 ñi duam mu, 78 millon che ca contueyu ansiedad ca depresion cutran.
Cümei taiñ quimal tunten che niei tüfachi cutran, huelu doi falin-ngei quimal chumngechi eimi ca tami pu che doi cüme mongen yenieafuimün.
Cümelcalele tami raquiduam, ¿chum duamcüleaimi?
Cümelcalen mu tami raquiduam, eimi cüme duamcüleaimi ca cüme femafuimi fillque duam. Cafei mülele huesaque dungu, cüme chaftunieafimi ca ayüucüleaimi tami mongen mu.
Cutrancülele ñi raquiduam quiñe che:
-
Quisu quintulafi tüfachi cutran.
-
Tüfa quiñe rüf cutran llemai. Hueñancülquefi ca huesalcaquefi pu che ñi raquiduam, ñi chum duamcülen ca ñi femmequen.
-
Rume cüdautuafui hueniyeafiel caquelu che ca cüdautuafui femal tañi fillque duam fill antü.
-
Tüfachi cutran chem che rume contuafeyu, tunten tripantu nieafui rume, cheu tuhun nieafui rume, chem quimün nieafui rume, ca pofre ca ricungeafui rume.
Quintufinge quellu
Calerumetule tami chumngechi chengen, rume umautulmi cam umautuhuetunolmi, rume ifengelmi cam ihuetunolmi, fill raquiduamcülelmi cam hueñancürumelmi, fei pengelafui ñi cutrancülen tami raquiduam. Feimu duamnieafuimi tami inaduamaeteu quiñe doctor. Femngechi quimafuimi chumngelu femngechi duamcüleimi ca chumngechi tami lahuentungeal. Fei, ¿cheu quintuafuimi quellu?
Tati doi quim huentru, Jesucristo pingelu, feipi: “Pu tremolelu duamlai lahuentuchefe, huelu pu cutrancülelu duamniei llemai” (Mateo 9:12). Pu cutrancülelu amulu doctor meu ca lloulu lahuen, doi cümelcaletuafuingün tañi mongen mu. Feimu quiñe che cangentuule cam cutrancülelu troquiule, cümeafui ñi pürüm amual doctor meu fei ñi quintual lahuen. a
Tati Biblia quiñe medicina lifru no, huelu niei cümeque ngülam. Tüfachi revista mu peaiñ chumngechi tati Biblia quelluafeiñmu huesa duamcülen mu taiñ raquiduam, feimu mangeluhuiyiñ tami papeltuafiel.
a Tüfachi revista Ti Huerquen feipilafi pu che chem tratamiento ñi llohual engün, doi mai caque quiñeque che mülei ñi dullial chumngechi ñi lahuentuñmangeal.
Eimi ca ayüafuimi
FILLQUE RAMTUN BIBLIA MU
¿Quelluafeiñmu ta Biblia taiñ fütra hueñancülenoal?
Cüla dungu taiñ elueteu Ngünechen, fei taiñ fütra hueñancülenoal.
FALINQUE QUIMELTUN BIBLIA MU TRIPALU
¿Chumngelu Ngünechen petu catrütulafi ñi mülehuenoal cutrancahun?
Biblia lloudunguqueiñmeu, fei tüfa müna yafültucuqueiñmu.
¡TREPELUUCÜLENGE!
Pu huechequeche doi cutrancülei tañi raquiduam | ¿Chem pilei Biblia?
Ñi feipin Biblia quelluquefi pu hueche cutrancülelu tañi raquiduam.
IÑCHIÑ TAIÑ DUNGU
Huirintucunge tami pemengeal
Ngüneduamnge quiñe ramtun Biblia mu, cam doi quimafuimi pu Dunguquelu Ineingen Jehová.
