¡Tati üdehun ngehuelayai!
Nentufiliyiñ rume com tati üdehun iñchiñ taiñ piuque mu, pepi catrütulayafuiñ caquelu che ñi üdecheal. Fentren che cutrancauqueingün ti üdehun dungu mu. Feimu, ¿inei apümcayafui ti üdehun?
Chau Jehová müten rumel apümcayafui ti üdehun. Tati Biblia feipicünui ñi femal tüfa (Proverbios 20:22).
CHAU DIOS APÜMAFI CHEU ÑI TUHUN TI ÜDEHUN
-
1. APÜMAFI TA SATANÁS. Ti Huecüfü ñi culpa mu mülei üdehun. Chau Ngünechen apümcayafi ta Satanás ca com feichi üdechequelu ti Huecüfü reque (Salmo 37:38; Romanos 16:20).
-
2. APÜMAFI SATANÁS COM ÑI NGÜNENIEEL MAPU MU. Chau Dios apümcayafi com huesaque dungu mülelu ti Mapu meu. Apümafi tati politico dungu ca com pu loncolechi religioso ngüchaltucuquefilu ti pu che ñi üdehual engün. Ca apümcayafi com negocian dungu allmalltuquelu tati pu che meu ca huesalcaquefilu (2 Pedro 3:13).
-
3. AFAI TI CULPAN COM CHE MU. Biblia feipi com culpafechengeiñ, feimu raquiduamqueiñ ca femqueiñ huesaque dungu (Romanos 5:12). Cafei taiñ culpafechengen mu eluucüleiñ taiñ üdecheal. Chau Dios quelluafi tati pu che ñi raquiduamhuenoal ca femhuenoal huesaque dungu, feimu ngehuetulayai com tati üdehun (Isaías 54:13).
BIBLIA FEIPICÜNUI ÑI NGEHUENOAL ÜDEHUN
-
1. NGEHUELAYAI NORNGENOCHI DUNGU. Chau Dios ñi Gobierno mülelu huenu mu ngünenieafi ti Mapu, fei re nor dungu mületuai (Daniel 2:44). Doi cüme che troquingelayai quiñeque che caquelu che mu ca com pu che yamniengetuai. Chau Dios norcünutuafi com tati norngenochi dungu (Lucas 18:7).
-
2. COM PU CHE TÜNGCÜLEAI. Mülehuelayai aucan ca quehuan, feimu cutrancaulayai pu che (Salmo 46:9). Tati Mapu mu cuñihun-ngechi dungu mülehuelayai, com pu che ñom chengeai (Salmo 72:7).
-
3. COM PU CHE CÜME FELETUAI. Com tati pu che Mapu meu rüf piuqueyehuai (Mateo 22:39). Inei no rume cutrancaulayai ca tati pu che ñi raquiduam ngañhuadel-layaeyu (Isaías 65:17). Mülehuenole üdehun, tati pu che “ayüucüleaingün ñi mülen fentren tüngün” (Salmo 37:11).
¿Ayüafuimi femngechi Mapu mu müleal? Fantepu mu cütu fentren che inaquefilu Biblia ñi ngülam, eluucüleingün ñi üdechehuenoal (Salmo 37:8). Femngechi femqueingün pu Dunguquelu Ineingen Jehová huall Mapu mu. Fillque tuhun-ngelu rume engün, quiñeucüleingün ca piuqueyeuqueingün quiñe familia reque (Isaías 2:2-4).
Pu Dunguquelu Ineingen Jehová, ayühunquechi quimeltulelquefingün pu che chem quellueyu engün femngen mu huesaque dungu ca chem quellueyu ñi dullintuchefengenoal. Eluhulmi tami quimeltungeal, ñochiquechi üdechelayaimi ca doi piuqueyechefengerpuaimi. Quimürpuaimi chumngechi piuqueyeafiel com pu che, feichi pu che cütu quim mañumquenolu ca pengelquelu üdehun. Inanielmi tami quimeltungeel, doi ayüucüleaimi ca doi cüme yeucüleaimi caquelu che engu. Doyelchi mai, quimürpuaimi chumafuimi tami mongeleal ngüneniele Chau Dios Mapu mu. Quisu ngüneniele, ngehuelayai ta üdehun (Salmo 37:29).
Eimi ca ayüafuimi
TI HUERQUEN
Ngünenietule Chau Dios, ¿chem femürpuai?
Jesús quimniefui Chau Dios müten ngünenietule ti mapu, cüme elcünutuafi com ti huesaque dungu. ¿Chumngelu maneluhuafuiñ tüfachi dungu mu?
¡TAMI QUIMAFEL!
Tami illamkachewenoal: ¿Ka chem dungu duamfalngey?
Ngünenietule Chaw Dios, ¿chem meli dungu femay ñi illamkangewenoal ta che?
