Fillque rupa Biblia feipiquei Jesús Chau Dios tañi Fotüm (Juan 1:49). Tüfa pengeli Chau Dios deumafi ta Jesús ca com tati mülelu (Salmo 36:9; Apocalipsis 4:11). Biblia feipiquelai Chau Dios nierpuquei fotüm chumngechi ñi femquen tati pu che.

 Biblia ca feipi tati cümeque püllü Chau Dios tañi fotüm (Job 1:6). Ca feipi Adán “ca femngechi Ngünechen tañi Fotüm” (Lucas 3:38). Biblia pengeli Chau Dios hune deumafi ta Jesús, quisu deumafi. Feimu fei tañi doi falin Fotüm.

•  Jesús, ¿mülequefui huenu petu ñi cüpanon Mapu mu?

•  ¿Chumquefui am Jesús petu ñi cüpanon Mapu mu?

 Mai. Petu ñi cüpanon Mapu mu, Jesús püllüngefui huenu mu. Quisu feipi: “Nagpan huenu mu” (Juan 6:38; 8:23).

 Chau Dios hune deumafi Jesús. Feimu Biblia feipi:

•   Jesús ‘hune mülequei com tati deumael meu’ (Colosenses 1:15; Apocalipsis 3:14).

 Biblia feipicünui ñi cüpayal “quiñe deumangelu cuifi mu”. Feitachi profecia huechutriparpui Jesús mu (Miqueas 5:2; Mateo 2:4-6).

  Niefui quiñe falin cüdau huenu mu. Feimu mülepalu Mapu mu, feipifi tañi Chau ñi püramyengeal chumngechi ñi femngequeel huenu mu (Juan 17:5).

 Quellu deumafi tañi Chau com tati mülelu. Jesús quiñentrür cüdahui tañi Chau engu (Proverbios 8:30). Feimu tati Biblia feipi Jesús meu “Ngünechen deumai itrocom tati mülelu huenu mapu ca nag mapu meu” (Colosenses 1:16).

 Jesús tañi quelluntucun mu, deumangei tati cümeque püllü, tati fütra huenu ca com tati mülelu (Apocalipsis 5:11). Chau Dios raquiduamquei ñi chumcünungeal tati mülelu, fei Jesús deumaquei.

 Jesús, tati Palabra pingequei. Jesús petu ñi acunon Mapu mu, cuifi “tati Dungun” cam “tati Palabra” pingequei (Juan 1:1). Tüfa pengeleiñmu Jesús Chau Dios ñi huerquen reque felei ñi quimeltuafiel pu cümeque püllü.

 Ca femngechi cuifi, Jesús yelelquefui Chau Dios ñi huerquen dungu tati pu che. Chau Dios huercüfi chi ta Jesús ñi hulal mensaje Adán Eva engu mülelu Edén mu (Génesis 2:16, 17). Jesús ca adniepelafi tati pu israelita ñi miyahun engün tati desierto mu. Jesús mülefui tañi allcütuafiel engün (Éxodo 23:20-23). a