DUNGU 44
Jehová mu, ¿cümepi mai com pu fiesta ñi bemngequel?
Jehová ayüqui taiñ ayüucüleal. Beimu cümelu troquiquebi taiñ trahuluhual quiñeque fiesta mu. Huelu Chau Dio, ¿cümelu troquiquepi mai com pu fiesta? Ca tübachi dungu mu, ¿chumngechi pengelabüiñ taiñ piuqueyebel Jehová?
1. Jehová, ¿chemu ayüquelabi com pu fiesta?
Quimpolmi cheu tuhui billque fiesta, amatulehueabüimi. Bentren fiesta tuhui coilaque religion mu cam huelulequi Biblia tañi eipin mu. Cabei quiñeque fiesta nüucüli hueyaque püllü mu cam quimelelqui layüm quiñe che, amulepoqui tañi inamongen. Ca bemngechi caquelu fiesta nüucüli hueyaque huimtun mu cam tati suerte mu (Isaías 65:11). Beimu Jehová eipiquebi tañi pu huenupüramquetu: ‘Quidu engün mu quiñeñpüle tripamün. Bemquilmün tati huedaque dungu’ (2 Corintios 6:17). a
2. ¿Chem raquiduamqui Jehová deumangele quiñe fiesta tañi püramabel che?
Jehová eipieiñmu taiñ maneluunoal pu huentru mu (papiltunge Jeremías 17:5). Quiñeque fiesta bemngequi tañi püramabel cam tuculpangeal pu cuibique hueichabe, pu ngünenequelu, tati independencia cam caquelu dungu nüucülelu pais mu (1 Juan 5:21). Cabei quiñeque fiesta nüucüli politica dungu mu cam movimientos sociales mu. Beimu conliiñ quiñe fiesta mu ñi bütra püramngeal quiñe che cam bemlu quiñe trahuluhun Chau Dio tañi ayüquenoel, ¿chum duamcüleabüi Jehová?
3. ¿Chem bemngequi hueyaque fiesta mu?
Biblia eipi cümelai ngollicahual ca conal pobocaucülechi fiesta mu cam trahuluhual taiñ pulcutual müten (1 Pedro 4:3). Quiñeque fiesta mu pu che quim ngüneneuquelaingün ca conquingün billque pod cudumuhun dungu mu. Beimu tañi hueniyeabel Jehová, amulepe taiñ quiñepülecünohual beichi hueyaque dungu mu.
DOI CÜME QUIMNGE
Tami ayühulabel Jehová, ¿chem quelluabeimu (incaabeimu) tami quimal chem fiesta mu conabüimi?
4. Conquilnge pu fiesta illamquebilu Jehová
Papiltoiñ Efesios 5:10. Papiltungele hula ngütramcaabiiñ tübachi pu ramtun:
-
Petu taiñ connon quiñe fiesta mu, ¿chem dungu mu raquiduamabüiñ?
-
¿Chem fiesta bemngequi cheu tami mülen mu?
-
Jehová, ¿ayüquepi mai beichi fiesta? ¿Chem raquiduamquimi?
Cümeabüi tami ramtuhual: “Chau Ngünechen, ¿ayüquepi mai fiesta cumpleaños mu?”. Biblia eipilai pu huenupüramquebilu Jehová tañi conquen cumpleaños mu ca pengeli epu che huenupüramquenobilu Jehová deumai fiesta tañi cumpleaños mu. Papiltoiñ Génesis 40:20-22 ca Mateo 14:6-10. Papiltungele hula ngütramcaabiiñ tübachi pu ramtun:
-
¿Chem dungu upai tübachi epu cumpleaños mu?
-
Tübachi huirin tripalu Biblia mu, Jehová ¿chem raquiduamqui cumpleaños mu? ¿Chem piabüimi?
Ca ramtuhuabüimi: “Conli quiñe cumpleaños mu cam quiñe fiesta mu inaquenolu Biblia tañi eipin, ¿rüb hueya duamelpeabün mai Jehová?”. Papiltoiñ Éxodo 32:1-8 ca quintulbe tati VIDEO. Pebilmi hula ngütramcaaiñ tübachi epu ramtun:
-
¿Chemu cümeabüi taiñ quimal Jehová tañi ayüquel?
-
¿Chumabüiñ taiñ cüme quimal Jehová tañi ayüquel?
¿Chumngechi quimabüiñ Jehová tañi ayüquenobel quiñe fiesta?
-
Biblia tañi quimelelquel mu, ¿cümepi mai beichi fiesta? Tami quimal tüba, quintunge beichi fiesta tañi tuhun.
-
Beichi fiesta, ¿püramquepebi mai pu che, quiñe organizacion cam caque dungu pais mu? Iñchiñ huenupüramquebiiñ Jehová müten ca cüme quimniiñ Jehová müten cümeltobi com dungu Mapu mu.
-
Tañi bemngequel tübachi fiesta mu, ¿inaquepebi mai Biblia tañi quimelelquel? Manelbali taiñ lib chengeal, beimu conlaaiñ billque pod cudumuhun dungu mu.
5. ¿Chumabüimi tami yamüñmangeal tami mupitun?
Mangelngeliiñ quiñe fiesta Jehová tañi ayüquenoel, cüdautuabüiñ eipial “amulaan”. Bemngechi upalmi, piuqueyen mu ca ñom piuquengen mu eipiabimi pu che chemu conlaaimi beichi fiesta mu. Tami quimal quiñe lamngen upalu tüba, quintulbe tati VIDEO.
Papiltoiñ Mateo 7:12. Papiltungele hula ngütramcaabiiñ tübachi epu ramtun:
-
Tübachi huirin tripalu Biblia mu, ¿eipiabimi tami pu pariente huenupüramquenobilu Jehová tañi connoal engün quiñe fiesta mu?
-
Amuhuenolmi quiñeque fiesta tami pu pariente engu, ¿chumngechi pengelelabüimi tami yamnebel ca piuqueyenebel engün?
6. Jehová ayüqui taiñ ayüucüleal
Jehová ayüqui taiñ cüme upaal taiñ pu che ca pu hueni mu. Papiltoiñ Eclesiastés 8:15. Papiltungele hula ngütramcaabiiñ tübachi ramtun:
-
Tübachi huirin tripalu Biblia mu, ¿chumngechi pengeli Jehová duamni taiñ ayüucüleal?
Jehová ayüqui taiñ cüme upaal taiñ pu peñi ca pu lamngen mu. Quintulbe tati VIDEO taiñ quimal chumngechi pengelngequi tüba taiñ bütraque trahun mu.
Papiltoiñ Gálatas 6:10. Papiltungele hula ngütramcaabiiñ tübachi cüla ramtun:
-
Taiñ cümelcaabel caquelu pu che, ¿duambalngepi mai taiñ conal quiñe fiesta mu?
-
¿Chem doi ayühulabeimu: hulal quiñe regalo tami conquen mu müten quiñe fiesta mu, cam hulal quiñe regalo bente tami piuqueyenebel mu quiñe che?
-
Quiñeque mu pu dunguquelu iñingen Jehová pepicaquebingün billque dungu tañi cüme upaal tañi pu püchüqueche ca eluquebi engün regalo. Beimu nielmi püchüqueche, ¿chumabüimi tañi cüme upaal engün?
QUIÑEQUE CHE EIPIQUI: “Cheu ume tuule tati fiesta, doi manelbali ayühun-ngechi upaal taiñ pu che ca pu hueni mu”.
-
¿Chem piabüimi?
CHEM PEIÑ TÜBAMU
Chau Jehová ayüqui taiñ cüme upaal taiñ pu che ca pu hueni mu. Huelu ayüquelai taiñ conal com pu fiesta quidu tañi ayüquenoel.
Chem quimeleleiñmu tüba
-
Taiñ quimal Jehová tañi ayüquen cam ayüquenon quiñe fiesta, ¿chem ramtuhuabüiñ?
-
¿Chumngechi quimelelabüimi tami pu che cam tami pu hueni chemu conquelaimi quiñeque fiesta mu?
-
Jehová ayüqui taiñ ayüucüleal ca taiñ cüme upaal, ¿chemu quimniiñ tüba?
DOI QUIMABÜIMI
Quimnge quiñeque fiesta tañi conquenon pu cristiano.
“Pu dunguquelu iñingen Jehová, ¿chemu conquelaingün quiñeque fiesta mu?” (Papiltun internet mu)
¿Chemu quimniiñ Chau Dio ayüquelai pu cumpleaños?
“¿Chemu pu dunguquelu iñingen Jehová conquelaingün cumpleaños mu?” (Papiltun internet mu)
Bemngelu quiñe fiesta Jehová ayüquenolu, quimnge chumngechi pu püchüqueche ayühulquebi Chau Dio
Bentren cristiano conquelaingün Navidad mu, beimu ¿ayüucülepi mai engün tañi bemquenon mu?
“Doi cümeque dungu llohuingün” (Ti Huerquen 1 diciembre 2012)
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
