LESSON 42
Biblia, ¿chem eipi pu curehuen-ngelu ca pu curehuen-ngenolu?
Quiñeque che raquiduamqui tati pu curehuen-ngelu müten rüb ayüucüleabüingün. Huelu quiñeque curehuen-ngelu ume, rüb ayüucülelaingün ca caquelu che curehuen-ngenolu ume, rüb ayüucülingün. Biblia eipi tati curehuen cüme dungungi. Cabei eipi cüme dungungi curehuen-ngenoal.
1. Quiñe che curehuen-ngenole, ¿chumngechi cümelcaabeyu?
Biblia eipi: “Curengele cam bütangele quiñe che, cüme bemai. Huelu bemnole, doi cümelcaai” (papiltunge 1 Corintios 7:32, 33, 38). Pu curehuen-ngenolu, ¿chemu doi cümelcaai? Pu cristiano quidulelu inaduamtunelabi tañi büta cam cure, nienolu am engün. Beimu doi tiempo nieabüingün tañi bemal billque dungu: quiñeque engün doi cüdahuelquebi Jehová ca huiñamtuquingün ca mapu mu tañi amuldungual. Ca cümelcangequingün tañi cüme hueniyequebel Jehová.
2. Epu che nieule ley dungu mu, ¿chumngechi cümelcaabeyu?
Pu curehuen-ngelu cabei cümelcangequingün. Beimu Biblia eipi: “Epu che doi cümelcali tati quidulelu mu” (Eclesiastés 4:9). Pu curehuen inanequebilu Biblia tañi eipin quimningün rübngi tüba. Epu che curehuen-ngelu ley dungu mu eipicünohuingu tañi piuqueyehual ca yamuhual com tañi mongen mu. Beimu pu curehuen doi cümelcalingün beichi pu che trür mülelu müten. Ca bemngechi tañi pu püchüqueche doi cüme tremcülequingün.
3. Jehová, ¿chumngechi ayüqui ñi beleal pu curehuen?
Deumalu Jehová tati hunen curehuen eipi: “Huentru elcünoai tañi chau ca ñuque ca trahuleai tañi cure engu” (Génesis 2:24). Jehová ayüqui tati curehuen ñi quiñeucüleal ca piuqueyehual chumtepoule tañi mongen engu. Beimu Jehová eipi quiñe büta cam cure cudumuule ca che engu, hudahuabüi ley dungu mu. Bemngechi dungu upale, tati hueya bemngelu eipiabüi tañi hudahual cam bemnoal (Mateo 19:9). a Jehová ayüqui pu curehuen-ngelu nieabüi quiñe büta cam cure müten (1 Timoteo 3:2).
DOI CÜME QUIMNGE
Nielmi büta cam cure cam nienolmi ume, ¿chumabüimi tami ayüucüleal ca ayühulabel Jehová? Ngütramcaaiñ.
4. Pu curehuen-ngenolu cümeque dungu bemaimün
Jesús eipi müna cüme dungungi curengenoal ca bütangenoal (Mateo 19:11, 12). Papiltoiñ Mateo 4:23. Papiltungele hula ngütramcaabiiñ tübachi ramtun:
-
Jesús quimlai ta domüche, beimu ¿chumi ñi doi cüdahuelabel tañi Huenu Chau ca quelluabel (incaabel) caquelu pu che?
Pu cristiano curehuen-ngenolu inabile Jesús, ayüucüleabüingün. Quintulbe tati VIDEO. Quintulngele hula ngütramcaabiiñ tübachi ramtun:
-
Pu curehuen-ngenolu, ¿chumabüingün?
¿Quimquebüimi?
Biblia eipilai chumten tripantu mu bütangepoabüi cam curengepoabüi. Huelu Biblia ngülamtuqui tañi bütangeal cam curengeal che, cüme ngüneule hula cudumuhun dungu mu, bemngechi cüme ngümintobüi (1 Corintios 7:36).
5. Cüme ngümintoimi (dulliaimi) tami compañ
Müna manelbali tami cüme ngümintol tami büta cam cure. Papiltoiñ Mateo 19:4-6, 9. Papiltungele hula ngütramcaabiiñ tübachi ramtun:
-
Pu cristiano, ¿chemu cüme raquiduamabüi tañi ngümintual quiñe büta cam cure?
Biblia quelluabeimu tami quimal chumngechi chengeabüi tami büta cam cure. Ca loncontucunge, ngümintuaimi quiñe che huenupüramquebilu Jehová. b Papiltoiñ 1 Corintios 7:39 ca 2 Corintios 6:14. Papiltungele hula ngütramcaabiiñ tübachi epu ramtun:
-
Quiñe cristiano ayüle tañi curengeal cam bütangeal, ¿chemu ngümintuai quiñe rübngechi cristiano?
-
Ngümintule quiñe büta cam cure piuqueyenobilu Jehová, ¿chum duamcüleai Jehová?
Quiñeñtrür traribilmi caqueume culliñ tañi cüdahual, müna cutrancahuabüingu. Ca bemngechi quiñe cristiano curehuen-ngele quiñe che engu piuqueyenobilu Jehová, cüdaungechi dungu mu upaai.
6. Inaabimi Jehová ñi raquiduamquel curehuen mu
Israel mu quiñeque huentru ngünam hudaquebüi tañi cure. Papiltoiñ Malaquías 2:13, 14, 16. Papiltungele hula ngütramcaabiiñ tübachi ramtun:
-
Mülenole pod cudumuhun dungu, ¿chemu Jehová üdequi tañi hudahual pu curehuen?
Pod cudumuhun ca hudahun tañi duam mu, müna cutrancahuabüi tati hueya bemngelu ca pu püchüqueche.
Quintulbe tati VIDEO. Quintulngele hula ngütramcaabiiñ tübachi ramtun:
-
Tami büta cam cure piuqueyenobile Jehová, ¿chumabüimi tami ayüucülechi curehuen nieal?
7. Inabinge Jehová tañi eipin curehuen mu
Quiñeque che cüdautuabüi tañi inaneal Jehová tañi eipin curehuen dungu mu. c Huelu Jehová cümelcaquebi pu mupituquebilu tañi eipin. Quintulbe tati VIDEO.
Papiltoiñ Hebreos 13:4. Papiltungele hula ngütramcaabiiñ tübachi pu ramtun:
-
Jehová tañi eipin curehuen mu, ¿cümepi mai? ¿Chemu bemngechi raquiduamquimi?
Jehová ayüqui pu curehuen nieulu ñi huirintuculeal ley dungu mu, ca hudaule pu curehuen cabei huirintucungepe ley dungu mu, bemngechi eipiquelu am tati pu lonco bill püle Mapu mu. Papiltoiñ Tito 3:1. Papiltungele hula ngütramcaabiiñ tübachi ramtun:
-
Eimi curengelmi cam bütangelmi, ¿huiriconcülepi mai tami curehuen ley dungu mu?
QUIÑEQUE CHE EIPIQUI: “¿Manelbalngepi mai epu che tañi curehuen-ngeal ley dungu mu? ¿Doi cümepeabüi mai tañi quiñeucüleal müten?”.
-
¿Chem piabüimi?
CHEM PEIÑ TÜBAMU
Biblia eipi Chau Dio deumai tati curehuen. Cabei eipi cüme dungungi bütangenoal cam curengenoal. Beimu pu curehuen-ngelu ca pu quidulelu inanebile Jehová tañi eipin, rüb ayüucüleabüingün.
Chem quimeleleiñmu tüba
-
Pu curengenolu cam bütangenolu, ¿chem cümeque dungu bempoabüingün?
-
Quiñe che ayüle tañi curengeal cam bütangeal, ¿chemu quintuabüi quiñe che quiñeucülelu tañi mupitun mu?
-
Biblia tañi eipin, ¿chem dungu mu müten hudahuabüi tati pu curehuen?
DOI QUIMABÜIMI
Quiñe cristiano, ¿chemu curengeabüi cam bütangeabüi quiñe mupituquelu Jehová mu müten?
Quimnge epu ngütram quimelquelu pu quintuquebilu büta cam cure ñi cüme ngümintol engün.
Quimnge chumngechi bütra cümelcangi quiñe peñi elcünolu billque dungu ñi huenupüramabel Jehová.
Ayüquebün tañi novia ñi quimpoal tati rüb dungu cabei (1:56)
Petu tañi hudaunon cam elcünounoal pu curehuen cristianongelu, ¿chem loncontucuabüi?
“Yamneabimi ‘Chau Ngünechen tañi trapümel’” (Ti Huerquen diciembre 2018)
a Tami quimal chemu quiñe che elcünoabüi tañi büta cam cure cudumuunole ca che engu, pebinge caque dungu tami quimal 4.
b Quiñeque mapu püle, pu chau ca ñuque ngümintuqui quiñe büta cam cure tañi pu püñeñ (coñi) ngelu. Bemngechile, pu chau ca ñuque ngümintoi quiñe che cüme hueniyebilu Jehová, tüba doi balin-ngi tañi nielchi plata mu cam tañi tuhun mu.
c Quiñeucülelmi curehuen reque, eimi ngümintuabüimi niehual ley dungu mu cam bentecünoal tamu quiñeucülen.
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
