DUNGU 32
¡Chau Ngünechen ñi Ngünenel ngüneneuyi!
Chau Ngünechen tañi Ngünenel 1914 tripantu mu elcünongi huenu mu tañi ngüneneal. Beichi tripantu mu pu lonco mülelu Mapu mu raquiantülingün reque ñi apümcangeal. Beula peabiiñ chem eipicünoi Biblia ñi upaal ca billque dungu ñi upan 1914 bantepu mu.
1. ¿Chem eipicünoi Biblia?
Ñi eipin mu Daniel pingechi libru mülelu Biblia mu, quimpoiñ Chau Ngünechen tañi Ngünenel conai tañi ngüneneal upale hula “7 medin antü” (Daniel 4:16, 17). Bentren tripantu upalu hula, Jesús ca üitubi tübachi “7 medin antü”, quidu eipi petu ñi mülen engün “tati pu che judiongenolu tañi medin antü” (Lucas 21:24). Beula peaiñ chemu eipiabüiñ tübachi “7 medin antü” abi 1914 tripantu mu.
2. ¿Chem dungu upaqui com huall Mapu mu 1914 bantepu mu?
Jesús tañi pu inanetu ramtueyu: “Mülelmi iñchiñ mu, ¿chem dungu pengeai? Ca püchülehuele com mülechi dungu mapu mu tañi apümngeal, ¿chem pengeai?” (Mateo 24:3). Jesús eipi billque dungu ñi upaal quidu loncolele hula Chau Ngünechen ñi Ngünenel mu huenu mu. Jesús eipi ñi müleal bütraque nüyün, hueichan, ca ñi müleal bütra ngüñün (papiltunge Mateo 24:7). Biblia ca eipi “püchülehuele ñi abal com upalechi dungu” mapu mu, “re cuñihun-ngechi ca hueyaque dungu müleai” pu che tañi bemquen mu (2 Timoteo 3:1-5). Com tüba bemtripapi 1914 tripantu mu bantepu mu.
3. Chau Ngünechen ñi Ngünenel ngünenepolu, ¿chemu bentren hueyaque dungu müli?
Püchü upalu müten Jesús ñi loncolen huenu mapu mu, quidu hueichabi Satanás ca tañi pu hueyaque püllü, beimu Satanás hueungi. Biblia eipi quidu “Mapu mu ütrübnacümngepai com tañi pu hueyaque püllü engün” (Apocalipsis 12:9, 10, 12). Satanás apümcangeai, beimu müna lladcüli. Quidu re hueyaque dungu bemqui ca cutrancaquebi pu che huall Mapu püle. Satanás tañi duam mu bemngechili Mapu. Huelu Chau Ngünechen tañi Ngünenel cüme elcünotobi com tañi hueyalcamequen Satanás.
DOI CÜME QUIMNGE
Quimaiñ billque dungu pengelquelu Chau Ngünechen tañi Ngünenel coni ñi ngüneneal 1914 tripantu mu. Ca chumabüiñ quimbiliiñ tañi ngüneneuyen.
4. Biblia pengeli Chau Dio ñi Ngünenel ngünenepoi 1914 tripantu mu
Tati loncolebülu Babilonia pingechi huariba mu, Nabucodonosor pingebüi. Chau Ngünechen peumalbi chem ñi upaal cüpalechi antü mu. Tübachi peuma ca Daniel tañi eipin pengeli quiñeque dungu ñi upaal Nabucodonosor ñi ngünenel mu. Huelu cabei chem ñi upaal Chau Ngünechen tañi Ngünenel mu. Papiltoiñ Daniel 4:17. a
Papiltoiñ Daniel 4:20-26, ca tami huiñoldungual cüpalechi ramtun pebinge mülelu pagina 133 mu.
-
A) Nabucodonosor, ¿chem pei tañi peuma mu? (Pebinge Daniel 4:20, 21).
-
B) ¿Chem bemngi beichi anüm ñi pebel Nabucodonosor? (Pebinge Daniel 4:23).
-
C) Upale hula tati “7 medin antü”, ¿chem upaai? (Pebinge Daniel 4:26).
Tati anüm tripalu peuma mu, ¿chumngechi nüucülepi Chau Ngünechen tañi Ngünenel mu?
BIBLIA ÑI EIPICÜNON (Daniel 4:20-36)
Tati ngünenel
A) Quiñe bütra anüm
Catrütungi tati ngünenel
B) Catrüngi tati anüm, beimu upai “7 medin antü”
Huiñoconi tati ngünenel
C) “Huiño ngünenetoimi tami ngünenel mu”
Tati hunen upa ñi bemtripan Biblia ñi eipin
-
D) ¿Iñi pengelngi tati anüm mu? (Pebinge Daniel 4:22).
-
E) ¿Chem tripantu catrütungi ñi ngünenel? (Papiltoiñ Daniel 4:29-33).
-
F) Upalu hula ti “7 medin antü”, ¿chem upai Nabucodonosor?(Papiltoiñ Daniel 4:34-36).
HUNELU MU, ¿CHUMNGECHI BEMTRIPAI?
Tati ngünenel
D) Nabucodonosor, Babilonia tañi lonco ülmen
Catrütungi tati ngünenel
E) Upalu hula 606 tripantu p.c.J., b Nabucodonosor hueluduami, beimu loncolehuelai 7 medin antü mu
Huiñoconi tati ngünenel
F) Nabucodonosor mongelngetui, beimu huiño ngünenepoi
Tati epu conchi upa ñi bemtripan Biblia ñi eipin
-
G) ¿Iñi pengelcünongi ti anüm mu? (Papiltoiñ 1 Crónicas 29:23).
-
H) ¿Chem tripantu catrütungi ñi ngünenel? Jesús ñi antü mu petu catrütungebüi Chau Ngünechen tañi ngünenel, ¿chemu quimniiñ tüba? (Papiltoiñ Lucas 21:24).
-
I) ¿Cheu ca chumül elcünongi tati ngünenel ñi ngünenepol?
¿CHUMNGECHI CA BEMTRIPAI?
Tati ngünenel
G) Pu lonco ülmen Israel tuhun-ngelu pengelnebüi Jehová tañi ngünenel
Catrütungi tati ngünenel
H) Jerusalén apümcangi, beimu 2.520 tripantu mu iñi no ume Israel tuhun-ngelu loncolelabüi
Huiñoconi tati ngünenel
I) Huenu mapu mu, Jesús lonco ülmencüli Chau Ngünechen ñi Ngünenel mu
Tati 7 medin antü, ¿chumteñmai?
Quiñeque dungu Biblia quelluqueiñmu (incaqueiñmu) taiñ doi cüme adümabel caquelu dungu Biblia mu. Raquiduamnge tüba, Apocalipsis pingechi libru mu ngütramcangi cüla tripantu ca rangiñ, beimu tüba pengeli 1.260 antü (Apocalipsis 12:6, 14). Quiñeque mu Biblia mu quiñe tripantu mu müli 360 antü. Beimu eipiabüiñ “7 medin antü” pengeli 2.520 antü. Ca loncontucuaimi tüba, quiñeque mu Biblia mu quiñe antü pengelneabüi quiñe tripantu (Ezequiel 4:6). Beimu tati “7 medin antü” ñi eipiel Daniel pengelni 2.520 tripantu.
5. Mülechi dungu Mapu mu caletui 1914 tripantu mu
Jesús eipicünoi chem ñi upaal Mapu mu lonco ülmencünongele hula. Papiltoiñ Lucas 21:9-11. Papiltugele hula ngütramcaabiiñ tübachi ramtun:
-
¿Bemtripapi mai Jesús tañi eipin? ¿Chem piabüimi?
Apostol Pablo eipicünoi chumngeal pu che püchülehuele ñi abal pu che tañi ngünenel. Papiltoiñ 2 Timoteo 3:1-5. Papiltungele hula ngütramcaabiiñ tübachi ramtun:
-
Tübachi huirin tripalu Biblia mu ñi eipin, ¿bemtripapi mai? ¿Chem piabüimi?
6. Chau Ngünechen tañi Ngünenel ngüneneuyi, beimu pengelnge tami maneluucülen bei mu
Papiltoiñ Mateo 24:3, 14. Papiltungele hula ngütramcaabiiñ tübachi epu ramtun:
-
Chau Ngünechen tañi Ngünenel ngüneneuyi, ¿chem bütra cüdau pengeli tüba?
-
¿Chumabüimi tami concüleal tübachi bütra cüdau mu?
Chau Dio tañi Ngünenel ngüneneuyi huenu mu ca püchüñma mu ca ngüneneabi Mapu. Papiltoiñ Hebreos 10:24, 25. Papiltugele hula ngütramcaabiiñ tübachi ramtun:
-
Quimnelu am iñchiñ ñi püchülehuen Chau Dio tañi antü, ¿chumabüiñ?
Quimülmi chumngechi montulngeabüi quiñe che, ¿eipipeabüimi mai?
QUIÑEQUE CHE EIPIELMU: “¿Chemu pu dunguquelu iñingen Jehová bente ngütramcaquingün 1914 tripantu mu?”.
-
¿Chem piabüimi?
CHEM PEIÑ TÜBAMU
Biblia tañi eipin ca ñi chumcülen tati Mapu bantepu mu pengeleiñmu Chau Ngünechen tañi Ngünenel ngüneneuyi huenu mu. Beimu trahuluuliiñ ca amuldunguliiñ, pengelaiñ taiñ cüdahuelquebel tübachi Ngünenel.
Chem quimeleleiñmu tüba
-
Upalu hula tati “7 medin antü”, ¿chem upai?
-
¿Chemu maneluhuabüimi 1914 tripantu mu ngüneneuyi Chau Ngünechen tañi Ngünenel?
-
¿Chumngechi pengelabüimi tami maneluucülen Chau Ngünechen ñi Ngünenel mu?
DOI QUIMABÜIMI
Quimnge chumngechi mülechi dungu Mapu mu caletui 1914 tripantu bantepu mu.
“¿Chumten mu tati pu che bamentubingün cümeque raquiduam?” (¡Tami quimabel! abril 2007)
Quimnge chumngechi Mateo 24:14 quellubi quiñe huentru.
Daniel capitulo 4 ñi eipin, ¿chemu nüucüli Chau Ngünechen ñi Ngünenel mu eipiabüiñ?
“¿Chumten mu ngünenepoi Chau Ngünechen ñi Ngünenel? (Dungu 1)” (Ti Huerquen 1 octubre 2014)
Tati “7 medin antü” eipingelu Daniel capitulo 4 bentepoi 1914 tripantu mu, ¿chemu eipiabüiñ tüba?
“¿Chumten mu ngünenepoi Chau Ngünechen ñi Ngünenel? (Dungu 2)” (Ti Huerquen 1 noviembre 2014)
a Amunge cheu eipi “Doi quimabüimi” ca papiltunge tati epulehuechi papil tripalu bei mu.
b Tripale p.c.J. tüba eipi petu ñi cüpanon Jesús. Ca tripale t.m.a. tüba eipi taiñ mülen antü.
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
